ცნობილმა მომღერალმა ლიზომ ინსტაგრამზე ფოტოები გაავრცელა, სადაც მისი წონის კლებაა ნაჩვენები. მან ასევე უარყო ბრალდებები, თითქოს წონის კლებისთვის ოზემპიკი გამოიყენა.

ლიზო სპორტდარბაზიდან ფოტოებსა და ვიდეოებს აქტიურად დებს.

ჯერ კიდევ წლის დასაწყისში New York Times-თან ინტერვიუში განაცხადა, რომ მეთოდურად და ნელა იკლებს წონაში. მომღერლის თქმით მას არ აინტერესებს სხეულის ფორმის შეცვლა და ის მხოლოდ ფიზიკური და სულიერი ჯანმრთელობისთვის ირჯება.

ფოტო: instagram

ლიზო სხეულისადმი პოზიტიური დამოკიდებულების მოძრაობის ცნობილი აქტივისტი იყო, მაგრამ წლის დასაწყისში განაცხადა, რომ პოზიციას იცვლის და პოზიტიურის ნაცვლად, ნეიტრალურ პოზიციას იჭერს. ეს იმას ნიშნავს, რომ ლიზო აღარ ფიქრობს, რომ ყველა სხეული ლამაზია და ისეთებად უნდა დავრჩეთ, როგორებიც ვართ. მისი აზრით, თუ ჯანმრთელი არ ხარ და შენს სხეულში თავს კომფორტულად არ გრძნობ, უნდა იშრომო, რომ უკეთ გამოიყურებოდე. მომღერალი გვპირდება, თავისი გარდასახვის ისტორიას აუცილებლად აქცევს ალბომად და გაგვიზიარებს. წარმატება ვუსურვოთ ამ გზაზე და დაველოდოთ მის შემდეგ ალბომს!