ზურა მახარაძე: "ქართულმა ოცნებამ" აიღო და უბრალოდ დააკოპირა, ჩვენ წლები რა მესიჯბოქსზეც ვიყავით

24 Sep. 2024, 12:43

სინამდვილეში, ქართულმა ოცნებამ აიღო და უბრალოდ დააკოპირა, ჩვენ წლები რა მესიჯბოქსზეც ვიყავით... უბრალოდ, ალტ-ინფოს იდეოლოგია დააკოპირა. მანდ არის დრამატულად ცუდი ერთი ასპექტი: ჩვენ რასაც ვამბობთ ახლა, ხელისუფლებაში რომ არ ვართ, ბერკეტი რომ არ გვაქვს, მაინც ვაკეთებთ, ყველა ჩვენი ნაბიჯი მიმართულია იმისკენ, რომ ეს მჯერა, რითიც შემიძლია იმას ვაწვები.

მაგალითად, იგივე ლგბტ თემაზე მარტივად რომ ავხსნა, კანონი ხომ მიიღეს... მე პირველი კითხვა მაგაზე რა გამიჩნდა იცი? რომ აი, გავიგე, რომ თქვენც ამ იმაზე [იდეოლოგიაზე] გადმოხვედით — მიხარია, გულწრფელად ვამბობ, მიხარია, იმიტომ, რომ მეინსტრიმი გახდა, ესე იგი, ჩემი იდეოლოგია. თქვენ რომ წარმოიდგინოთ, გირჩის იდეოლოგია ხომ არის, ხვალ რომ გამოვიდეს ქართული ოცნება და არჩევნების მოგების მცდელობა რომ დაიწყოს თქვენი ლოზუნგების გაჟღერებით, თქვენ კი ამბობდეთ, რომ ეს კი იტყუება და არ აპირებს მაგის გატარებას, მაგრამ მაგითი რომ პიარი დაიწყო, მაწყობს მაინც, იმიტომ, რომ გაირკვა, რომ ამით უნდა მოიგო ხალხის გული... ეს რომ მეინსტრიმი გახდა, გირჩს ხომ უნდა აწყობდეს? ზუსტად მაგ ლოგიკით, მე ვიცი, რომ ქართული ოცნება მაგას ცხოვრებაში არ გაატარებს, მაგრამ ის რომ გაირკვა, რომ მაგით აპირებს ყველაზე დიდი პარტია არჩევნების მოგებას [მიხარია].

ბოლო ამბები: