სანქციები ეხება ხუთ ადამიანს და ექვს ორგანიზაციას რუსეთიდან და ბელორუსიდან, რომლებიც, ახალი ზელანდიის ხელისუფლების განცხადებით, რუსეთის ხელისუფლებას უჭერენ მხარს. ამის შესახებ ქვეყნის საგარეო საქმეთა მინისტრმა უინსტონ პეტერსმა განაცხადა. ინფორმაციას The Nationsl Tribune ავრცელებს.

"სანქციების ეს უკანასკნელი პაკეტი მოიცავს იმ პირებს, რომლებოც მონაწილეობდნენ რუსეთის მიერ უკრაინის ზაპოროჟიეს ატომური ელექტროსადგურის ოკუპაციაში, ასევე ბელორუსულ პირებსა და ორგანიზაციებს, რომლებიც მხარს უჭერენ [რუსეთის ქმედებებს]", — განაცხადა უინსტონ პეტერსმა.

ახალი ზელანდიის საგარეო საქმეთა სამინისტროს მიერ მოქმედი სანქცირებული პირების განახლებული რეესტრი მოიცავს 1752 ფიზიკურ და იურიდიულ პირს. მას 20 სექტემბერს დაემატა ფიზიკური და იურიდიული პირების ახალი ჯგუფი.

რუსული სამთავრობო-პროპაგანდისტული მედია RBC წერს, რომ ოფიციალური მოსკოვი სანქციებს უკანონოდ აცხადებს.