The Wall Street Journal-ის ცნობით, შეერთებულ შტატებში მაღალჩინოსნებს სჯერათ, რომ ისრაელსა და ჰამასს შორის შეთანხმება ღაზაში ცეცხლის შეწყვეტის შესახებ ვერ მოხდება იქამდე, სანამ პრეზიდენტი ჯო ბაიდენი, იანვრის საპრეზიდენტო არჩევნების შემდეგ, პოსტს არ დატოვებს.

გამოცემამ ხუთშაბათს, თეთრი სახლის სახელმწიფო დეპარტამენტის და პენტაგონის მაღალი თანამდებობის ოფიციალურ პირებზე დაყრდნობით, დაწერა, რომ აშშ-ი მაღალჩინოსნებს ასეთი შეთანხმების მიღწევაში დარწმუნებული არ არიან.

"არანაირი შეთანხმება არ არის გამორიცხული, მაგრამ იმაში, რომ მიიღწევა [შეთანხმება] დარწმუნებული არ ვარ", — აცხადებს შტატების ერთ-ერთი მაღალჩინოსანი.

იმავე წყაროს თქმით, შეთანხმების მისაღწევად ორი აუცილებელი პირობაა: ისრაელმა, ჰამასის მიერ აყვანილი ტყვეების სანაცვლოდ, დაკავებულების პალესტინელების ნახევარი უნდა გაათავისუფლონ და მეორე პირობა ისრაელსა და ჰეზბოლას შორის მზარდი დაძაბულობის შემცირებაა.

ოფიციალურმა პირებმა ვაშინგტონში საჯაროდ განაცხადეს, რომ შეთანხმებაზე მუშაობას გააგრძელებენ.

"მე შემიძლია გითხრათ, რომ ჩვენ არ გვჯერა ამ მოლაპარაკების ჩაშლის", — ამის შესახებ პენტაგონის სპიკერმა საბრინა სინგმა ხუთშაბათს რეპორტიორებს განუცხადა.

შეერთებული შტატების მდივანმა ენტონი ბლინკენმა ორი კვირის უკან განმარტა, რომ ცეცხლის შეწყვეტის შესახებ შეთანხმება 90%-ით მიღწეულია.

ცნობისათვის, ვაშინგტონი, შუამავლებთან — კატართან და ეგვიპტესთან ერთად, თვეების განმავლობაში მუშაობდა იმისთვის, რომ ისრაელი და ჰამასი საბოლოო შეთანხმებამდე მიეყვანა.

ისრაელი-პალესტინის ბოლო სამხედრო დაპირისპირება დაახლოებით 1 წლის წინ დაიწყო, როდესაც ჰამასმა 2023 წლის 7 ოქტომბერს ისრაელზე მოულოდნელი საჰაერო თავდასხმა განახორციელა, რომლის შედეგად 1139 ადამიანი დაიღუპა და 200-ზე მეტი ტყვედ აიყვანეს.

ისრაელის საპასუხო თავდასხმას პალესტინის ტერიტორიაზე, დაახლოებით 41, 272 ადამიანი ემსხვერპლა, დაშავებულთა რიცხვი 95,551-ია. ისრაელის ქმედებებმა 2.3 მილიონი პალესტინელის გადასახლება, შიმშილის და ჰააგის სასამართლოს მიერ აღიარებული პალესტინელების გენოციდი გამოიწვია.