2024 წლის მაისში, თბილისში, AD BLACK SEA-ს ინიციატივით, თბილისის დიზაინის ფესტივალი პირველად გაიმართა. ღონისძიების მთავარი სტუმარი სტეფან ზაგმაისტერი იყო. დიზაინის ფესტივალმა საპტოტესტო აქციების ფონზე ჩაიარა. აქციები « რუსული კანონის» წინააღმდეგ იყო მიმართული , რომელიც საფრთხეს უქმნის საქართველოს ევროპულ მომავალს.

ფესტივალის ბევრი მონაწილე, წინა ღამეს, საქართველოს პარლამენტთან გამართულ საპროტესტო აქციაში მონაწილეობდა. თუმცა პოლიციასთან დაპირისპირებაში გატარებულმა უძილო ღამეებმა, ჩვენს ღონისძიებას კიდევ უფრო მეტი ღირებულება შესძინა.

ჩვენ არ შევცვალეთ ჩვენი გეგმები, არ დავთმეთ სწავლის და პროფესიული განვითარების შესაძლებლობა და გადავწყვიტეთ, ფესტივალის პლატფორმა ჩვენი სამოქალაქო პოზიციის გასაჟღერებლად გამოგვეყენებინა.

2015 წლიდან, AD BLACK SEA-ს მთავარი მისიაა, ჩვენი რეგიონი ევროპის უახლეს კრეატიულ მიღწევებს დააკავშიროს და ხელი შეუწყოს სარეკლამო ინდუსტრიაში პროფესიონალების და ორგანიზაციების ადგილობრივ, რეგიონულ და საერთაშორისო ასპარეზზე წარმოჩენას. ჩვენ ვაგრძელებთ ამ მისიის შესრულებას და სამომავლოდაც ძალას არ დავიშურებთ მიზნის მისაღწევად.

ჩვენ, სტეფანთან ერთად გადავწყვიტეთ, დაგვეწყო და ტრადიციად გვექცია ახალი პროექტი.ყოველ წელს, ავირჩევთ კონკრეტულ აქტუალურ თემას და მისი გადაწყვეტის გზებს კრეატიულად მოაზროვნე ადამიანებს მივანდობთ.

წელს ამ თემის შერჩევა მარტივი იყო. გადავწყვიტეთ, რომ კრეატიულობა გამოგვეყნებინა რუსული აგრესიის წინააღმდეგ. რუსეთის შეჭრამ უკრაინაში დამანგრეველი შედეგები გამოიწვია, საქართველოს ტერიტორიის 20% კი კვლავ რუსეთის მიერაა ოკუპირებული.

ერთის მხრივ, ცნობიერების ამაღლების მიზნით და მეორეს მხრივ, კი იმიტომ რომ მსოფლიოსთვის მსგავსი ვითარება ჩვეულებრივი არ გახდეს, გამოვაცხადეთ ღია კონკურსი დიზაინერებისა და ილუსტრატორებისთვის, რათა მათ შეექმნათ პოსტერები, რომელიც დიზაინის ენაზე გამოხატავს ამ აგრესიის უსამართლობასა და სიბოროტეს.

ჩვენ მივიღეთ ასობით პოსტერი საქართველოდან, უკრაინიდან, პოლონეთიდან, სომხეთიდან, აზერბაიჯანიდან, უზბეკეთიდან, ლიტვადან, ლატვიიდან, ჰოლანდიიდან.

საბოლოო არჩევანი თავად სტეფანმა გააკეთა.

გვინდა მადლობა გადავუხადოთ თითოეულ მონაწილეს, რომელმაც ეს შესაძლებლობა გამოიყენა და რუსული აგრესიის წინააღმდეგ ხმა აღიმაღლა.

მოკლედ:

საუკუნეების განმავლობაში რუსეთი -

იტაცებს.

კლავს.

ანადგურებს.

ახდენს დემორალიზებას.

ანგრევს.

სადაც არ უნდა შეაღწიოს, თან მიაქვს ფიზიკური, გონებრივი და სულიერი დეგრადაცია.

სადაც არ უნდა დარჩეს, მას მოაქვს ნგრევა და სიკვდილი.

ეს არის ბოროტების იმპერია.

თუ თქვენ ხართ დიზაინერი ან ილუსტრატორი, რომელმაც საკუთარ თავზე გამოსცადა ან ხედავს რუსული აგრესიის დამანგრეველ გავლენას, შექმენით პოსტერი და გამოხატეთ თქვენი შეგრძნებები ამის წინააღმდეგ.

სტეფან ზაგმაისტერის შესახებ:

სტეფან ზაგმაისტერი არის ავსტრიელი გრაფიკული დიზაინერი, სთორი-თელერი და ტიპოგრაფი, რომელიც ნიუ-იორკში ცხოვრობს.

გრემის ორგზის გამარჯვებული და თითქმის ყველა მნიშვნელოვანი საერთაშორისო ჯილდოს მფლობელი, სტეფან ზაგმაისტერი, თანამშრომლობდა ისეთ კომპანიებთან, როგორებიცაა Rolling Stones, HBO და გუგენჰაიმის მუზეუმი.

სტეფანი თავის შემოქმედებაში ეხება ჩვენი ცხოვრების ისეთ მნიშვნელოვან საკითხებს , როგორიცაა ბედნიერება ან სილამაზე, როგორ უკავშირდება ისინი დიზაინს და რას ნიშნავს ეს ჩვენს ყოველდღიურ ცხოვრებაში. ის TED- ის ერთ-ერთი ყველაზე ხშირად მოწვეული სპიკერია.

მისი წიგნები ასი ათასობით ეგზემპლარით იყიდება, მისი გამოფენები კი მსოფლიოს წამყვან მუზეუმებში იმართება. სტეფანის ექსპოზიცია “The Happy Show” ნახევარ მილიონზე მეტ ვიზიტორს ითვლის და მსოფლიოში გრაფიკული დიზაინის ყველაზე ხშირად ნახვად შოუდ მიიჩნევა.

წარმოშობით ავსტრიელი სტეფან ზაგმაისტერი, ფლობს ვენის გამოყენებითი ხელოვნების უნივერსიტეტის მაგისტრს ხარისხს, ასევე არის ნიუ-იორკის , პრატის ინსტიტუტის ფულბრაიტის სტიპენდიანტი.

"მე ავარჩიე საკმაოდ ბევრი პოსტერი, რომლებსაც არ ჭირდებათ რაიმე დამატებითი ტექსტი: დარწმუნებული ვარ, რომ მათი მესიჯების მიზნამდე მიღწევის შანსი დიდია, განსაკუთრებით კი გლობალურ სოციალურ მედიაში.

მე მომწონს ექსტრემიზმი დიზაინში (მაგრამ მძულს ის პოლიტიკაში).

ასე რომ, ესთეტიკური თვალსაზრისით მე მირჩევნია გამოსახულება, რომელსაც შეუძლია კომუნიკაცია ტიპოგრაფიის ჩარევის გარეშე.

მე შევარჩიე რამდენიმე ნამუშევარი, რომელთა იდეა ჩემთვის ნაცნობი იყო, მაგრამ ამ იდეის შესრულება იყო სრულიად ახლებური. ასევე შევარჩიე რამდენიმე ნამუშევარი, რომელთა ფორმა ( შესრულება) შეიძლება ნაცნობი იყო , მაგრამ იდეა იყო ახალი.

და ასევე იყო რამდენიმე პოსტერი, რომელთა იდეაც და შესრულებაც იყო სიახლე", — სტეფანი

შერჩეული ნამუშევრები და დიზაინერები:

Julia Artemenko — Freedom, Ukraine

Maciek Blaźniak — Culture of terror, Poland

Artem Gusev — Face of terror, Ukraine

Yana Halchuk — Murderer, Ukraine

Ksenia Igolkina — Bander cola, Fu#k you Russia, Ukraine

Stas Kolotov - Life will win, Ukraine

Bartozs Kosowski — Person of the year, Poland

Kosma Masny — DOVE, POOTIN, Poland

Dato Mchedlishvili — Peacekiller, Georgia

Evgenia Nikolova — Killing is nor bravery, Bulgaria

Kateryna Shalnieva — Evacuation, Ukraine

Maksym Skoryk — Blackout, Ukraine

Kateryna Sokol — Zmiinyi, Ukraine

Anna Yurkova — Pendulum, Ukraine

Katarzyna Zapart Gift from Russia, Poland

შერჩეული ნამუშევრები გამოიცა თბილისის დიზაინის ფესტივალის ჟურნალის პირველი ნომრის სახით და გადაეცა Ad Black Sea 2024 დელეგატებს 2024 წლის 12-14 სექტემბერს.