ჩრდილოეთ კორეის ლიდერმა, კიმ ჩენ ინმა განაცხადა, რომ ქვეყანა "ექსპონენციურად გაზრდის ატომური შეიარაღების არსენალს იმისთვის, რომ აშშ-სა და მისი მოკავშირეების წინააღმდეგ საბრძოლველად მზადყოფნაში იყოს, — ამის შესახებ ინფორმაცია ადგილობრივმა მედიამ KCNA-მა გაავრცელა.

მედიის ცნობით, კიმმა თქვა, რომ ჩრდილოეთ კორეამ საკუთარი ატომური უნარიანობა და მზადყოფნა უნდა განავითაროს, რათა "ნებისმიერ დროს სათანადოდ გამოიყენოს ქვეყნის უსაფრთხოების უზრუნველსაყოფად".

მანვე განმარტა, რომ ძლიერი სამხედრო ძალა საჭიროა იმისთვის, რომ ჩრდილოეთ კორეამ აშშ-სა და მისი "მიმდევრებისგან" წამოსულ საფრთხეს წინააღმდეგობა გაუწიოს.

კიმ ჩენ ინის მუქარების შემდეგ, ექსპერტებს სჯერათ, რომ აშშ-ის ნოემბრის საპრეზიდენტო არჩევნების წინ ის ატომურ იარაღს გამოცდის, რაც, შესაძლოა, პროვოკაციულად ჩაითვალოს.