შინაგან საქმეთა სამინისტროს ნარკოდანაშაულისთვის ზუგდიდის რაიონის სოფელ განმუხურში ორი პირი დააკავეს. ინფორმაციას უწყების პრესსამსახური ავრცელებს.

მათი ინფორმაციით, სამართალდამცველებმა ერთ-ერთი პირის პირადი ჩხრეკისას 24 აბი ე.წ. „ექსტაზი“ ამოიღეს, მეორე პირის პირადი ჩხრეკისას კი - 14 აბი ე.წ. „ექსტაზი“ და მუყაოს ფირფიტა, რომელიც, ექსპერტიზის დასკვნით, 1,6547 გრამ MDMA-ს შეიცავს.

უწყებაში ამბობენ, რომ ბრალდებულები დანაშაულს აღიარებენ.

საქმეზე გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის მუხლით მიმდინარეობს (საქართველოს სსკ-ს 260-ე მუხლის მე-6 ნაწილის "ა" ქვეპუნქტით).