დორსეტის მუზეუმში ნატურისტებისთვის სპეციალური დახურული ჩვენება მოეწყობა. 17 სექტემბერს მუზეუმის სტუმრებს შეეძლებათ გალერეებში შიშვლებმა იარონ.

ჩვენების ორგანიზატორი ბრიტანული ნატურისტების ასოციაციაა. ბილეთის ღირებულებაში ერთი ჭიქა ღვინო, გამოსაცვლელი ოთახი და ტანსაცმლის შესანახი კარადა შედის.

ორგანიზაციის თქმით, ეს "საუცხოო შესაძლებლობაა მუზეუმის ინტიმურ, დახურულ პირობებში დასათვალიერებლად — შიშვლად ყოფნისას."

დორსეტის მუზეუმი და ხელოვნების გალერეა 2021 წელს ხელახლა გაიხსნა ორწლიანი რენოვაციის შემდეგ, რომელიც £16,4 მილიონი დაჯდა. მუზეუმის კოლექციებში პალეონტოლოგი მერი ენინგის, ნოველისტი თომას ჰარდისა და მოქანდაკე ელიზაბეტ ფრინკის ნამუშევართა არქივები და ბუნებისმეტყველების 250 მილიონ წლიანი ისტორიის ამსახველი არტეფაქტები ინახება.