შინაგან საქმეთა სამინისტრომ ტრანსგენდერი ქალიზე თავდასხმის საქმეზე, სისხლის სამართლის კოდექსის 126-ე მუხლით დაიწყო გამოძიება, რაც ძალადობას გულისხმობს.

უწყების წარმომადგენელმა On.ge-ის განუმარტა, რომ ამ ეტაპზე დანიშნულია სამედიცინო ექსპერტიზა.

ტრანსგენდერი ქალი მირანდა ფაღავა ჰყვება, რომ სამი აგვისტოს, საღამოს თავდაცვის სამინისტროს მიმდებარე ტერიტორიაზე სხვა ტრანსგენდერ მეგობრებთან ერთად იმყოფებოდა, როდესაც ორი უცნობი პირი თავს დაესხათ. დაზარალებული ჰყვება, რომ თავდამსხმელებმა მათ მიმართ ელექტროშოკი გამოიყენეს და წიწაკის სპრეი შეასხეს.