პოლიტიკური პარტიები, კერძოდ: ევროპული საქართველო-მოძრაობა თავისუფლებისთვის, კი ევროპას - სტრატეგია აღმაშენებელი, ნაციონალური მოძრაობა, გირჩი - მეტი თავისუფლება, ძლიერი საქართველო - ლელო, ხალხისთვის, თავისუფლებისთვის!, ელენე ხოშტარია-დროა და ახალი ერთობა - გვარამია, მელია — დაფინანსებას, სრულად ან ნაწილობრივ, არ ასაჯაროებენ, — ამის შესახებ ანტიკორუფციული ბიუროს უფროსმა, რაჟდენ კუპრაშვილმა დღეს ბრიფინგზე განაცხადა.

“საარჩევნო კამპანიები და აქტივობები შესაძლოა ფინანსდებოდეს უცხოური დონორი ორგანიზაციებისგან ან სხვა წყაროებიდან, რომლებიც, თავის მხრივ, თანხებს უხდიან ამ პოლიტიკურ პარტიებთან დაკავშირებულ არასამთავრობო ორგანიზაციებს. აღნიშნული სქემით, უცხოური ფულით პოლიტიკური პარტიებისა და პროცესების მხარდაჭერა წარმოადგენს საფრთხეს სამართლიანი საარჩევნო პროცესისთვის”, — განაცხადა კუპრაშვილმა.

შეგახსენებეთ, რომ რაჟდენ კუპრაშვილმა NDI-სა და IRI-ს გრანტების შესახებ ინფორმაციის გასაჯაროება მოუწოდა. ამას გარდა, მან დღევანდელ ბრიფინგზე მოძრაობა თავისუფლების მოედანსაც მოსთხოვა გამჭვირვალობის უზრუნველყოფა.