თეთრი ხმაურის მოძრაობის აქტივისტი, ბაქარ ყორშია ნარკოტიკის შეძენა-შენახვის ბრალდებით, GEM Fest-ის მიმდებარე ტერიტორიაზე, დააკავეს. ამის შესახებ On.ge-ს ამავე მოძრაობის კიდევ ერთმა აქტივისტმა, დავით სუბელიანმა განუცხადა.

სუბელიანის ინფორმაციით, დაკავებული ნარკოტიკული საშუალების, სუბოტექსის არსებობას აღიარებს.

შინაგან საქმეთა სამინისტრომ გამოძიება სისხლის სამართლის კოდექსის 260-ე მუხლით (ნარკოტიკული საშუალების შეძენა-შენახვა) დაიწყო. უწყების პრესსამსახურში განმარტავენ, რომ ამოღებული ნივთიერება ექსპერტიზაზეა გადაგზავნილი და დასძენენ, რომ სამართალდამცავებს დაკავებულისთვის ფიზიკური შეურაცხყოფა არ მიუყენებიათ.