რუსული გამოცემა РБК წერს, რომ ოცზე მეტმა მსხვილმა რუსულმა ინდუსტრიულმა კომპანიამ, ასევე სამშენებლო და საავტომობილო წარმომადგენლებმა და საყოფაცხოვრებო ტექნიკის მწარმოებლებმა, წერილი გაუგზავნეს მრეწველობისა და ვაჭრობის სამინისტროს ხელმძღვანელს, ანტონ ალიხანოვს და აცხადებენ, რომ კრიტიკულად საჭირო ნედლეულის საზღვარგარეთ შეძენის შეუძლებლობის გამო, მათ გაკოტრება და წარმოების შეჩერება ემუქრებათ.

შეშფოთებას იწვევს ევროკავშირის მხრიდან რუსეთის წინააღმდეგ ამოქმედებული მეთოთხმეტე — სანქციების ბოლო პაკეტი, რის შედეგადაც შეწყდა მნიშვნელოვანი მასალების მიწოდება ევროპიდან, აშშ-დან, იაპონიიდან და ჩინეთიდან.


წერილში წერია, რომ რუსეთის ეკონომიკა მნიშვნელოვნად არის დამოკიდებული იმპორტზე.

განსაკუთრებულად ფასდება პოლიეთილენის ფენილის იზოციანატები, რომელიც გამოიყენება მაცივრების, მილების, ავტონაწილების, პოლიურეთანის ქაფების, დალუქვისა და იატაკის წარმოებაში.

წერილში ასევე წერია, რომ მარაგი ორი თვისთვის კმარა და ჯერ-ჯერობით ვერ ხერხდება შეთანხმების მიღწევა მომწოდებლებთან, რომლებიც ხელს უწყობენ სანქციების გვერდის ავლას, კერძოდ, საუდის არაბეთთან.

გამოცემის ცნობით, ვინც დაუკავშირდა მრეწველობისა და ვაჭრობის სამინისტროს, მათ შორის არიან Технониколь, Беко, Вератек, РусТА და Верахим.

ევროკავშირმა რუსეთის წინააღმდეგ მეთოთხმეტე პაკეტი 2024 წლის 24 ივნისს მიიღო. აღნიშნული პაკეტი მოიცავს უამრავ პუნქტს, რომელიც მიზნად ისახავს თავიდან აიცილოს ადრე შემოღებული სანქციებისთვის გვერდის ავლა.