TikTok Book Awards-სმა 2024 წლის გამარჯვებულები გამოავლინა — ინფორმაციას BBC ავრცელებს.

დაჯილდოების ცერემონია ლონდონში გაიმართა. TikTok Book Awards-ის ნომინანტთა სია ლიტერატურისა და მედიის წარმომადგენლებისგან შემდგარმა ჟიურიმ დაასახელა. გამარჯვებულები კი, TikTok-ის მომხმარებლებმა, ხმის მიცემის შედეგად გამოავლინეს.

ხმის მიცემაში 82 ათასზე მეტმა ადამიანმა მიიღო მონაწილეობა. წლის წიგნად TikTok-ერებმა ლისა ჯეველის "ამაში სიმართლე არაფერია" დაასახელეს.

ლისა ჯეველი

ლისა ჯეველი

ფოტო: Philip Panting

წლის საერთაშორისო წიგნის ნომინაციაში ამერიკელი ავტორის, რებეკა იაროსის "მეოთხე ფრთა" დასახელდა.

საინტერესოა, რომ წიგნების მოყვარულები TikTok-ს აქტიურად იყენებენ რეკომენდაციების გასაცემად და პოპულარულ წიგნებზე საკუთარი აზრის დასაფიქსირებლად. დაჯილდოების ცერემონია წელს მეორედ იმართება.