ეროვნული ნაკრების ფეხბურთელი ზურიკო დავითაშვილი, საფრანგეთის ლიგა ერთის საფეხბურთო კლუბში ითამაშებს — ინფორმაციას თავად ფეხბურთელი Facebook პოსტით ადასტურებს.

"მოუთმენლად ველი ჟოფრუა გიშარზე გულშემაკივრების წინაშე თამაშს," — წერს ქართველი თავდამსხმელი.

ფოტო: Facebook | ASSE - Association Sportive de Saint-Etienne

საფრანგეთის 10-გზის ჩემპიონ კლუბთან დავითაშვილმა 4 წლიანი კონტრაქტი დადო.

ინფორმაციის ოფიციალურად დადასტურების შემდეგ, სენტ-ეტიენმა ვიდეორგოლიც გამოაქვეყნა, სადაც დავითაშვილის გადაბირებას საქართველოს სახელმწიფო ჰიმნით ზეიმობს.