პოლიტიკური პარტიები — ახალი, დროა და გირჩი — მეტი თავისუფლებისთვის არჩევნებში მონაწილეობას ერთობლივად მიიღებენ, ამის შესახებ ცნობილი გახდა ბრიფინგზე, რომელიც ახალის ოფისში გაიმართა.

პარტიის ლიდერის, ნიკა გვარამიას თქმით, გაერთიანების მიზეზი ქვეყნისთვის რუსული გავლენის ჩამოშორება და "ბიძინა ივანიშვილის სახლში გაშვებაა".

მათი პოლიტიკური გაერთიანების საარჩევნო ნომერი იქნება 4, სახელზე კი ჯერ კიდევ მიმდინარეობს მსჯელობა.

"რაც შეეხება პრემიერ-მინისტრობის კანდიდატს, რისი ერთგულიც ვართ, ვგულისხმობ სალომე ზურაბიშვილის შეთანხმებას, არის ის, რომ პრემიერ-მინისტრი, მთავრობა იყოს მაქსიმალურად დისტანცირებული პოლიტიკური სპექტრისგან და არ იყოს არცერთი პოლიტიკური პარტიის წევრი”, — განაცხადა ნიკა გვარამიამ.

ასევე, ნახეთ: "ერთიანობა საქართველოს გადარჩენისთვის" — ნაციონალურმა მოძრაობამ და სტრატეგია აღმაშენებელმა პოლიტიკური პლატფორმა დააფუძნა