საფრანგეთში საპარლამენტო არჩევნები დრამატული ტემპით მიმდინარეობს — ულტრამემარჯვენეები, ულტრამემარცხენეები და ცენტრისტული პარტიები პირველობისთვის იბრძვიან.

9 ივნისს, ევროპულ არჩევნებში დამარცხდა მაკრონის ცენტრისტული პარტია, მათ ხმების 14.6% მიიღეს. ყველაზე დიდი მხარდაჭერა — 31.37% მოიპოვა ულტრამემარჯვენე მარინ ლე პენის პარტიამ.

მაკრონმა, ნაადრევი არჩევნების დანიშვნით, ეროვნულ ასამბლეაში უმრავლესობის დაბრუნებისთვის “ფსონები დადო”, თუმცა, დამაჯერებელ შედეგებს ვერ აჩვენებს და ახლა, ამის გამო, მისი ქვეყნის პოლიტიკა ულტრამემარჯვენე პოლიტიკოსების გამოწვევის წინაშე დგას, რომელსაც მარი ლე პენი უდგას სათავეში.

იმ შემთხვევაში, თუ ულტრამემარჯვენეები შეძლებენ ძალაუფლების ხელში ჩაგდებას, ქვეყანაში რადიკალური ცვლილებებია მოსალოდნელი — ეროვნულ ასამბლეის უმრავლესობას შეუძლია პრემიერ-მინისტრის არჩევა, რომელიც, შესაძლოა, მაკრონს დაუპირისპირდეს.

არჩევნების საშუალებით, ფრანგმა ელექტორატმა უნდა უნდა აირჩიოს ეროვნული ასამბლეის 577 დეპუტატი. ვადამდელი საპარლამენტო არჩევნების მეორე ეტაპი 7 ივლისს გაიმართება.

არის ალბათობა, რომ ლე პენის პარტიამ მეორე ტურის შედეგებშიც გაიმარჯვოს, რაც აჩენს ვარაუდს, რომ მეორე მსოფლიო ომის შემდეგ პირველად, სახელმწიფოს სათავეში ულტრამემარჯვენეები მოვიდნენ.

საფრანგეთის არჩევნების პირველი ტურის შედეგები ასეთია:

საფრანგეთის ეროვნული ერთობა — 33.15%;

ახალი სახალხო ფრონტი — 28.14%.

პრეზიდენტ ემანუელ მაკრონის ცენტრისტული ალიანსი — 20.76%

რას უნდა ველოდოთ, თუ არჩევნებში ულტრამემარჯვენეები გაიმარჯვებენ

მარინ ლე პენის ეროვნული ერთობა არაკეთილგანწყობილია ევროკავშირის მიმართ, ამიტომ, შესაძლოა, მომავალში საფრანგეთმა ევროკავშირის დაფინანსება შეწყვიტოს.

ადამიანის უფლებადამცველები შეშფოთებულები არიან და ცდილობენ ივარაუდონ, თუ როგორ შეიძლება აისახოს მემარჯვენეთა ანტიმიგრანტული პოლიტიკა და "ეროვნული უპირატესობა“ ეთნიკურ უმცირესობებზე.

პარალელურად, ეკონომისტები ცდილობენ გათვალონ, დააფინანსებენ თუ არა ულტრამემარჯვენეები მათ გეგმურად გათვლილ ხარჯებს.

რა მოლოდინებია არჩევნების საბოლოო შედეგთან დაკავშირებით

საზოგადოებრივი აზრის ინსტიტუტის გამოკითხვების შედეგმა აჩვენა, ამომრჩევლების ნაწილი, რომელმაც, პირველ ეტაპზე, კონსერვატიულ მეინსტრიმს დაუჭირა მხარი, მეორე ეტაპზე იმ მემარცხენე კანდიდატს დაუჭერს მხარს, რომელიც, დიდი ალბათობით, ეროვნული გაერთიანების დამარცხებას შეძლებს.

საფრანგეთის პრეზიდენტმა ემანუელ მაკრონმა, ელისეის სასახლეში, მინისტრების დახურულ შეხვედრაზე განაცხადა, რომ ამ ეტაპისთვის, პრიორიტეტული იყო პარტია ეროვნული ერთობისთვის ძალაუფლების შეზღუდვა, ამიტომ პრეზიდენტმა ყველა კანდიდატს მოუწოდა არჩევნებში ჩართვა.

პოლიტიკოსების უმეტესობა იზიარებს მოსალოდნელ საფრთხეს, ამიტომ მათი გაერთიანებით, შესაძლოა, მარინ ლე პენის პარტია დამარცხდეს.

ლე პენი მედიისთვის მიცემულ ბოლო ინტერვიუში თავდაჯერებული იყო და ოპოზიციონერების გაერთიანების მიუხედავად, მაინც სჯერა, რომ შეძლებს მაკრონის უკან ჩამოტოვებას.