მოკლედ: გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის ინფორმაციით, მაისის თვეში, უკანონო ტყითსარგებლობის 151 ფაქტი გამოავლინეს.

დეტალები: გამოვლენილი 151 ფაქტიდან, 111 ფაქტი ხე-ტყის უკანონო მოპოვება-ტრანსპორტირებას ეხება, 40 კი, საამქროების მიერ ტექნიკური რეგლამენტის დარღვევისა და უკანონო სახერხი საამქროების ფაქტებია.

  • სამართალდარღვევებიდან 10 ფაქტი სისხლის სამართლის დანაშაულის ნიშნებს შეიცავს.

უკანონო ტყითსარგებლობის ყველაზე მეტი — 37-37 ფაქტი გამოვლენილია კახეთსა და სამეგრელო-ზემო სვანეთში.

  • სამცხე-ჯავახეთში დაფიქსირდა 17 სამართალდარღვევა,
  • აჭარაში — 15, შიდა ქართლში — 11,
  • იმერეთშიც — 11, გურიაში — 8,
  • რაჭა-ლეჩხუმი-ქვემო სვანეთში — 7, ქვემო ქართლში — 6 და მცხეთა-მთიანეთში — 2.

ჯამში ამოღებულია უკანონოდ მოპოვებული 138 კუბურ მეტრზე მეტი მოცულობის ხე-ტყე.

  • დალუქულია 3 ერთეული არარეგისტრირებული სახერხი საამქრო.

ბოლო ხაზი: გარემოსდაცვითი ზედამხედველობის დეპარტამენტის მიხედვით, 2024 წლის პირველ 5 თვეში, ქვეყნის მასშტაბით, უკანონო ტყითსარგებლობის 1 135 ფაქტი გამოავლინეს.