რა ხდება: იურიდიულ საკითხთა კომიტეტის სხდომაზე რუსული კანონი მესამე მოსმენით, სხდომის დაწყებიდან 1 წუთში მიიღეს.

დეტალები: კომიტეტის თავმჯდომარემ, ანრი ოხანაშვილმა განმარტა, რომ შინაარსობრივი განხილვა რეგლამენტით გათვალისწინებული აღარ იყო.

  • "მესამე მოსმენის ფარგლებში შინაარსობრივი ცვლილებების განხილვა არ ხდება, შესაძლებელია მხოლოდ რედაქციული ხასიათის შენიშვნები.
  • წარმოდგენილია ტექსტი, გრამატიკულად, რედაქციულად, დარიგებულია", — თქვა ოხანაშვილმა.

დარბაზში, ამ დროისთვის, ოპოზიცია არ იმყოფებოდა. ლელოს დეპუტატი, ანა ნაცვლიშვილი ამბობს, რომ შენობაში შესასვლელად მათ ხელოვნური ბარიერები შეუქმნეს.

ბოლო ხაზი: პლენარულ სხდომაზე საკითხი ბოლო, მესამე მოსმენით ხვალ, 14 მაისს გავა.