რა ხდება: განათლების ხარისხის განვითარების ეროვნული ცენტრი უნივერსიტეტებში სასწავლო პროცესის შეჩერებასა და გადავადებას ეხმიანება.

  • მათი თქმით, უნივერსიტეტების ადმინისტრაცია ვალდებულია, განსაზღვრული აკადემიური კალენდრის შესაბამისად, სასწავლო პროცესი შეუფერხებლად წარმართოს.

დეტალები: განცხადების მიხედვით, მნიშვნელოვანია, რომ სასწავლო პროცესის შეფერხებამ, არ შეუქმნას საფრთხე საგანმანათლებლო პროგრამებით გათვალისწინებული მიზნებისა და სწავლის შედეგების მიღწევას: "რაც გამოიწვევს მოსწავლეების, პროფესიული სტუდენტების, სტუდენტების კანონიერი ინტერესების შელახვას".

  • "უნივერსიტეტებს შემუშავებული უნდა ჰქონდეს სასწავლო პროცესის შეუფერხებლად წარმართვის გეგმა, რომელიც ითვალისწინებს ყველა შესაძლო რისკს", — ვკითხულობთ განცხადებაში.

კონტექსტი: 15 მაისის მონაცემებით, საქართველოში 30-ზე მეტი უნივერსიტეტის სტუდენტების ნაწილია გაფიცული. ისინი აცხადებენ რომ აუდიტორიებში არ დაბრუნდებიან მანამ, სანამ მთავრობა რუსულ კანონს არ გაიწვევს.

მსგავსი: თსუ-ს 160-ზე მეტი პროფესორ-მასწავლებელი სტუდენტების გაფიცვას უერთდება

  • გუშინ, 14 მაისს, 38 უნივერსიტეტის რექტორებმა განცხადება გაავრცელეს, სადაც დაწერეს, რომ "პოლიტიკური პროცესები აკადემიური სივრცის მიღმა უნდა დარჩეს" და არ უნდა აისახოს სწავლის პროცესზე.
  • ამ განცხადების შემდეგ, გუშინვე, ლექტორების ნაწილმა, პროტესტის ნიშნად, დატოვა ის უნივერსიტეტები, რომელთა ადმინისტრაციაც გაემიჯნა სტუდენტურ პროტესტს რუსული კანონის წინააღმდეგ.

გაიგე მეტი: ლევან ბერძენიშვილი კავკასიის უნივერსიტეტს ტოვებს

ასევე, ნახეთ: ნიკო ნერგაძე კავკასიის უნივერსიტეტს ტოვებს — მიზეზი უმაღლესი სასწავლებლის ხელმძღვანელობის პოზიციაა