რა ხდება: კავკასიის უნივერსიტეტს ლექტორი, ნიკო ნერგაძე ტოვებს.

დეტალები: "კავკასიის უნივერსიტეტის ხელმძღვანელობამ ბოლო დღეებში დაიჭირა პოზიცია, რის გამოც ჩემთვის მათთან ურთიერთობის გაგრძელდება შეუძლებელი ხდება.

  • ჯერ პოლიტიკური ნიშნით სამსახურიდან გააგდო ეკონომიკის სკოლის დეკანი სოსო ბერიკაშვილი, შემდეგ კი ხელი მოაწერა განცხადებას, რომლის სულისკვეთებასაც ეწინააღმდეგება სტუდენტებისა და ლექტორების დიდი ნაწილი", — წერს ნერგაძე.

ამ თემაზე ვრცლად: 38 უნივერსიტეტის რექტორი მიიჩნევს, რომ ნებისმიერი პოლიტიკური პროცესი აკადემიური სივრცის მიღმა უნდა დარჩეს

მისი თქმით, უნივერსიტეტთან 10-წლიან თანამშრომლობას ასრულებს და ეს მისთვის ბოლო სემესტრი იქნება.

  • "ვფიქრობდი, მომენატრებიან სტუდენტები, ლექტორები და მედიის სკოლის ადმინისტრაცია მეთქი, მაგრამ აქციების გაშუქების დროს მაინც ყველას ხშირად შევხვდები", — წერს ნიკო ნერგაძე.

ბოლო ხაზი: დღეს ამ უნივერსიტეტის კიდევ ერთმა ლექტორმა, სოსო ბერიკაშვილმა დაწერა, რომ სამსახურიდან ბიძინა ივანიშვილზე კრიტიკული პოსტის გამო გაუშვეს.

  • მისი თქმით, რექტორმა, კახა შენგელიამ დაიბარა და უთხრა, რომ სუს-მა "ივანიშვილის გინების გამო", ბერიკაშვილის სამსახურიდან გაშვება მოსთხოვა.