ჰარი პოტერის 10 შთამაგონებელი ფრაზა ბრძოლის და წინააღმდეგობის მნიშვნელობაზე
![](http://monica.on.ge/2024/05/15/1715783235.gif)
ფოტო: Giphy
ჰარი პოტერი რომ უბრალო ზღაპარი არ არის, ბევრი ჩვენგანი ამაში ჯერ კიდევ ბავშვობაში დარწმუნდა. თუმცა, როულინგის ამ ლეგენდარულ ჯადოსნურ სამყაროს ზრდასრულებისთვისაც ბევრი რამის სწავლება შეუძლია. გასაკვირი არც ისაა, რომ წიგნებში, რომლებიც კეთილისა და ბოროტის მარადიულ ჭიდილზე გვიყვება, ვხვდებით ბევრ გაკვეთილს სიკეთის, სამართლიანობის, თანასწორობის და ამ ყველაფრისთვის შეუპოვარი ბრძოლის მნიშვნელობაზე.
1. "უცნაურია, ჰარი, მაგრამ ძალაუფლება ალბათ იმას უფრო შეეფერება, ვინც არასოდეს ისწრაფვის მისკენ. იმას, ვინც ხელმძღვანელობას შენსავით მხოლოდ იმიტომ კისრულობს, რომ უბრალოდ წილად ხვდა და ვალდებულია, თან თვითონვე უკვირს, რომ კარგად გამოსდის".
— ალბუს დამბლდორი, ჰარი პოტერი და სიკვდილის საჩუქრები (მთარგმნელი ციცო ხოცუაშვილი).
2. "ერთი ნაბიჯია პრინციპამდე 'წმინდასისხლიანები — უპირველეს ყოვლისა', შემდეგ კი — სიკვდილის მხვრელობამდე. ჩვენ ხომ ყველანი ადამიანები ვართ? ყველა ადამიანის სიცოცხლეს ერთი ფასი აქვს და ყველა ღირსია, გადარჩეს".
— კინგსლი შეკლბოტი, ჰარი პოტერი და სიკვდილის საჩუქრები (მთარგმნელი ციცო ხოცუაშვილი).
![](http://joey.on.ge/2024/05/15/1715783037.gif)
ფოტო: Giphy
3. "გულგრილობა და უგულებელყოფა ხშირად უფრო დიდი ზიანის მომტანია, ვიდრე დაუფარავი ზიზღი".
— ალბუს დამბლდორი, ჰარი პოტერი და ფენიქსის ორდენი (მთარგმნელი ირაკლი ბერიაშვილი).
4. "დამბლდორმა თქვა, მნიშვნელოვანია, რომ იბრძოლო, იბრძოლო და ფარ-ხმალი არ დაყარო, რადგან მხოლოდ ამით შეიძლება, ბოროტებას ხელ-ფეხი შეუკრაო".
— ჰარი პოტერი და ნახევარპრინცი (მთარგმნელი ქეთევან ყანჩაშვილი).
![](http://joey.on.ge/2024/05/15/1715782903.gif)
ფოტო: Giphy
5. "წინ მძიმე და რთული დღეები გველის. [...] გახსოვდეთ სედრიკი... გაიხსენეთ იგი, თუ ოდესმე არჩევანის გაკეთება მოგიწევთ სწორსა და იოლს შორის.
— ალბუს დამბლდორი, ჰარი პოტერი და ცეცხლოვანი თასი (მთარგმნელი ქეთევან ყანჩაშვილი).
6. "უნდა ვეცადოთ, რომ ძაძებით კი არ შევიმოსოთ, ჰარი, არამედ ბრძოლა განვაგრძოთ".
— ალბუს დამბლდორი, ჰარი პოტერი და ნახევარპრინცი (მთარგმნელი ქეთევან ყანჩაშვილი).
![](http://monica.on.ge/2024/05/15/1715782800.gif)
ფოტო: Giphy
7. "სწორედ შენნაირი ხალხი ქმნის გახრწნილ და უსამართლო სისტემებს, მხოლოდ იმიტომ, რომ ეზარებათ...".
— ჰერმიონი რონს, ჰარი პოტერი და ცეცხლოვანი თასი (მთარგმნელი ქეთევან ყანჩაშვილი).
8. "დიდი სიმამაცეა, წინ აღუდგე მტერს, მაგრამ არანაკლები ვაჟკაცობაა, შეეწინააღმდეგო საკუთარ მეგობრებს".
— ალბუს დამბლდორი, ჰარი პოტერი და ფილოსოფიური ქვა (მთარგმნელი მანანა ანთაძე).
![](http://joey.on.ge/2024/05/15/1715782729.gif)
ფოტო: Giphy
9. "ჩვენი ძალა ერთობაშია, ხოლო სისუსტე — დაცალკევებაში. [...] ჩვენ ბრძოლას მხოლოდ იმ შემთხვევაში შევძლებთ, თუ არანაკლებ დიდ მეგობრობასა და ნდობაზე დამყარებულ მტკიცე კავშირებს შევქმნით".
— ალბუს დამბლდორი, ჰარი პოტერი და ცეცხლოვანი თასი (მთარგმნელი ქეთევან ყანჩაშვილი).
10. "შეუძლებელი არაფერია ქვეყანაზე. საქმე ის არის, გეყოფა თუ არა გამბედაობა".
— ჯინი უისლი, ჰარი პოტერი და ფენიქსის ორდენი (მთარგმნელი ირაკლი ბერიაშვილი).
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
კომენტარები