betlive-ის გამორჩეული ამბასადორების რიგებს, მორიგი ვარსკვლავი შეუერთდა. ამჯერად, ბრენდის წარმომადგენელი UFC-ის ქართველი მებრძოლი, ალექსანდრე თოფურია გახდა.

ალექსანდრე თოფურიასა და betlive-ის კოლაბორაცია SMH sports-თან პარტნიორობით განხორციელდა. შერეული საბრძოლო ხელოვნების ყველაზე წარმატებულ ორგანიზაციაში (UFC) ალექსანდრეს დებიუტი გასულ წელს შედგა, როდესაც თოფურიამ თიქნესი დაამარცხა. ჯამში, ქართველმა მებრძოლმა 2025 წელს ორი ბრძოლა გამართა და ოქტაგონი ორივე შემთხვევაში გამარჯვებულმა დატოვა. ალექსანდრეს განცხადებით, betlive.com-თან ერთად, იგი არაერთ საინტერესო კამპანიაში ჩართვასა და გულშემატკივართან უფრო მეტად დაახლოებას გეგმავს.

აღსანიშნავია, რომ ალექსანდრე თოფურიასთან შეთანხმებით, betlive.com-ის გამორჩეულ ქართველ სპორტსმენებთან თანამშრომლობა უფრო მეტად ინტენსიური და მრავალფეროვანი ხდება — სექტორის ერთ-ერთი ყველაზე მსხვილი წარმომადგენელი კომპანიის ამბასადორები სანდრო მამუკელაშვილი, გიორგი ჩაკვეტაძე, ამირან გოგოლაძე, გიორგი გაგუა და ახლა უკვე ალექსანდრე თოფურია არიან.

პარალელურად, betlive.com სპორტის პოპულარიზაციისა და განვითარებისთვის არაერთ ქმედით ნაბიჯს დგამს. კომპანიის სტრატეგია ჯანსაღი ცხოვრების პოპულარიზაციას, მედია მხარდაჭერასა და ზოგადად, ქართული სპორტის თანადგომას ითვალისწინებს.