დუბაის საერთაშორისო აეროპორტთან ახლოს ორი დრონის ჩამოვარდნის შედეგად სულ მცირე ოთხი ადამიანი დაშავდა. ამის შესახებ დუბაის მთავრობის პრესსამსახურმა X-ში განაცხადა.

დაშავებულთა შორისაა 2 განელი, 1 ბანგლადეშიელი და 1 ინდოელი. მათ მსუბუქი დაზიანებები მიიღეს. საჰაერო მიმოსვლა ჩვეულ რეჟიმში გრძელდება.

არაბთა გაერთიანებულ საემიროებში საჰაერო დარტყმები 7 მარტსაც განხორციელდა, აქედან ერთ-ერთი დუბაის საერთაშორისო აეროპორტის მახლობლად დაფიქსირდა.

როგორც საერთაშორისო მედია წერდა, არაბთა გაერთიანებული საამიროების საჰაერო თავდაცვამ დრონი აეროპორტის სიახლოვეს გაანადგურა. აფეთქების შემდეგ ნამსხვრევები ჩამოვარდა აეროპორტის ტერიტორიასთან ახლოს.

28 თებერვალს ისრაელმა და ამერიკის შეერთებულმა შტატებმა ირანის სხვადასხვა ობიექტზე კოორდინირებული ერთობლივი იერიში მიიტანეს. ოპერაციას ისრაელის მხრიდან "ლომის ღრიალი", ხოლო აშშ-ის თავდაცვის დეპარტამენტის მიერ — "ეპიკური მრისხანება" ეწოდა.

თავდასხმის სამიზნეს მაღალჩინოსნები, სამხედრო მეთაურები და სტრატეგიული ობიექტები წარმოადგენდნენ. იერიშები მიზნად რეჟიმის შეცვლას ისახავს. იერიშის შედეგად მოკლულია ირანის უმაღლესი ლიდერი აიათოლა ალი ხამენეი. ირანის ახალ სულიერ ლიდერად ალი ხამენეის ვაჟი მოჯთაბა აირჩიეს.