მოკლედ: დღეს, 14 მაისს, რუსული კანონის საპროტესტო აქციაზე დაკავებული კონსტანტინე თოხაძე თავისუფალია.

  • ამის შესახებ სახალხო დამცველმა ტვ პირველს განუცხადა.

დეტალები: კონსტანტინე თოხაძე სამართალდამცავებმა გმირთა მოედანზე დააკავეს.

  • "ეპილეფსია მაქვს, გაჩერდით, ცუდად გავხდები ახლა", — ისმის თოხაძის დაკავების კადრებში.

კონტექსტი: დღეს, 14 მაისს, რუსული კანონის საპროტესტო აქცია დილიდან მიმდინარეობს. დეპუტატებმა რუსული კანონი მესამე მოსმენით პროტესტის ფონზე მიიღეს.

ამ დროისთვის, გმირთა მოედანზე გზის სავალი ნაწილი გადაკეტილია. იქ აქციის მონაწილეები მსვლელობით რუსთაველის გამზირიდან მივიდნენ.

  • მანიფესტანტების ნაკადები გმირთა მოედნისკენ მას შემდეგ დაიძრნენ, რაც პოლიციამ ძალადობრივი მეთოდებით დააკავა აქციის მონაწილეები, რომლებმაც გზის სავალი ნაწილის გადაკეტვა სცადეს.
  • აქციის მონაწილეთა დიდი ნაწილი კვლავ რუსთაველზე რჩება, სადაც უკვე რამდენიმე საათია, მრავალრიცხოვანი მანიფესტაცია მიმდინარეობს.