რა ხდება: გმირთა მოედანზე გზის სავალი ნაწილი გადაიკეტა.

  • იქ აქციის მონაწილეები მსვლელობით რუსთაველის გამზირიდან მივიდნენ.

დეტალები: მანიფესტანტების ნაკადები გმირთა მოედნისკენ მას შემდეგ დაიძრნენ, რაც პოლიციამ ძალადობრივი მეთოდებით დააკავა აქციის მონაწილეები, რომლებმაც გზის სავალი ნაწილის გადაკეტვა სცადეს.

  • ამის შემდეგ, რუსთაველზე, პარლამენტთან მიმდინარე აქციაზე მყოფებს სცენიდან მოუწოდეს, ნაწილი გმირთა მოედნისკენ დაძრულიყო.

აქციის მონაწილეთა დიდი ნაწილი კვლავ რუსთაველზე რჩება, სადაც უკვე რამდენიმე საათია, მრავალრიცხოვანი მანიფესტაცია მიმდინარეობს.

ბოლო ხაზი: აქცია პარლამენტთან დღეს დილიდან მიმდინარეობს. დეპუტატებმა რუსული კანონი მესამე მოსმენით პროტესტის ფონზე მიიღეს.