მოკლედ: საქართველოს პარლამენტის პრესსამსახურის ინფორმაციით, 15 მაისის 09:30 საათიდან მის მოხსნამდე, საქართველოს პარლამენტის სასახლეში იმოქმედებს უსაფრთხოების ყვითელი დონე.

ეს ნიშნავს, რომ ვიზიტორებს შეეზღუდებათ პარლამენტის სასახლეში შესვლა.

  • "აღნიშნული ღონისძიების მიზანია საქართველოს პარლამენტის სასახლეში სამუშაო და უსაფრთხო გარემოს უზრუნველყოფა", — წერია განცხადებაში.

დეტალები: დაგეგმილ საპარლამენტო ღონისძიებებზე, მათ შორის კომიტეტის და პლენარულ სხდომებზე, დაიშვებიან მხოლოდ შესაბამისი სტრუქტურული ერთეულების მიერ მოწვეული პირები.

  • შენობაში დაიშვებიან ტელემაუწყებლების/ტელემედია საშუალებების აკრედიტებული არაუმეტეს ორი ჯგუფი თითო მაუწყებლიდან, საპარლამენტო ღონისძიებების დასრულებამდე.

კონტექსტი: დღეს, 14 მაისს, მას შემდეგ, რაც საპარლამენტო უმრავლესობამ რუსულ კანონს მესამე, ბოლო მოსმენით დაუჭირა მხარი, საკანონმდებლო შენობაში უსაფრთხოების წითელი დონე ამოქმედდა.

  • განცხადებაში წითელი დონის გაუქმების ვადა მითითებული არ იყო.