პარლამენტმა რუსული კანონი მესამე მოსმენით მიიღო
![](http://chandler.on.ge/2024/04/16/parlamenti_661eb2de4b06c.jpg)
ფოტო: მაიკო გაგუა / On.ge
მოკლედ: დღეს, 2024 წლის 14 მაისს, საქართველოს პარლამენტმა რუსული კანონი მესამე, საბოლოო მოსმენით მიიღო.
დეტალები: მხარი დაუჭირა 84-მა დეპუტატმა, წინააღმდეგი იყო 30.
![](http://joey.on.ge/2024/05/14/Screenshot_2024-05-14_155721.jpg)
- საქართველოში რუსული კანონპროექტის კანონად ფორმირების მხარდამჭერია პარტია ქართული ოცნების საპარლამენტო უმრავლესობა.
- დღევანდელ კენჭისყრას წინ უძღოდა პარლამენტის პლენარულ სხდომაზე კანონის მეორე მოსმენით მიღება 1-ელ მაისს და პირველი მოსმენით მიღება 17 აპრილს.
ნახეთ: დეპუტატების სია — ვინ მიიღო საქართველოში რუსული კანონი პირველი მოსმენით
- ხელისუფლების დაჟინებულ სურვილს, მიიღოს საქართველოში რუსული კანონი, ხალხი უწყვეტად აპროტესტებს თბილისსა და საქართველოს დიდ ქალაქებში.
- პროტესტის ნიშნად გაფიცულები არიან უნივერსიტეტების სტუდენტების დიდი ნაწილი, ასევე, ლექტორების ნაწილიც.
- დემონსტრანტებმა პარლამენტის შენობის ირგვლივ შეკრება დილის 10:00 საათიდან დაიწყეს.
- აქციის მონაწილეები შეკრებილი არიან როგორც პარლამენტის შენობის წინ, ასევე, შენობის შესასვლელებთან.
- საკანონმდებლო ორგანოს შენობის ეზოშიც და შენობის ირგვლივაც მობილიზებული არიან საპოლიციო ძალები.
პროცედურულად: ზოგადად, კანონპროექტის კანონად ფორმირებისთვის, დეპუტატების სამი მოსმენით მხარდაჭერაა საჭირო პლენარულ სხდომაზე.
- კანონის დღევანდელი, მესამე მოსმენით მიღების შემდეგ, ის ხელმოსაწერად საქართველოს პრეზიდენტს გადაეგზავნება.
- სალომე ზურაბიშვილი აცხადებს, რომ რუსულ კანონს ვეტოს დაადებს. თუმცა, ამის შემდეგ, საპარლამენტო უმრავლესობა ვეტოს დაძლევას შეეცდება, რადგან მას ვეტოს დასაძლევად საკმარისი მანდატი აქვს.
2024 წლის 3 აპრილს ოცნებამ განაცხადა, რომ ისევ აპირებს იმავე რუსული კანონის კანონის მიღებას, რამაც მასშტაბური სახალხო წინააღმდეგობა გამოიწვია გასული წლის მარტში.
8 აპრილს, პარლამენტის ბიუროს სხდომაზე განხილვის შემდეგ, რუსული კანონი დარეგისტრირდა.
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები