რა ხდება: მას შემდეგ, რაც საპარლამენტო უმრავლესობამ რუსულ კანონს მესამე, ბოლო მოსმენით დაუჭირა, საკანონმდებლო შენობაში უსაფრთხოების წითელი დონე ამოქმედდა.

დეტალები: პარლამენტის მიერ გავრცელებულ განცხადებაში ნათქვამია, რომ წითელი დონე 17 საათიდან იმოქმედებს, გაუქმების ვადა მითითებული არ არის.

  • წითელი დონე ნიშნავს იმას, რომ საქართველოს პარლამენტში არ დაიშვება არცერთი პირი, გარდა პარლამენტის აპარატის უფროსის მიერ საფრთხის სპეციფიკისა და მისი თავიდან აცილების საჭიროების შესაბამისად განსაზღვრული პირებისა.
  • "უსაფრთხოების დამატებითი ზომები მოქმედებს „საქართველოს პარლამენტის სასახლეში უსაფრთხოების დაცვის წესის დამტკიცების თაობაზე“ საქართველოს პარლამენტის თავმჯდომარის 2023 წლის 04 სექტემბრის N1/259/23 ბრძანების შესაბამისად", — წერია პარლამენტის მიერ გავრცელებულ განცხადებაში.

კონტექსტი: პლენარული სხდომა, რომელზეც მხარი დაუჭირეს რუსულ კანონს, ცოტა ხნის წინ დასრულდა.

  • სხდომამ ხმაურისა და პროტესტის ფონზე ჩაიარა.
  • აქცია პარლამენტთან ამ წუთებშიც მიმდინარეობს. პერიოდულად, სიტუაცია იძაბება, აკავებენ აქციის მონაწილეებს.
  • ამასთან, საკანონმდებლო ორგანოს მიმდებარედ მობილიზებულია სპეცრაზმი.