რა ხდება: ერთიანი ნაციონალური მოძრაობის საპარლამენტო ფრაქციის თავმჯდომარე თინა ბოკუჩავა აშშ-ის სახელმწიფო დეპარტამენტის მაღალჩინოსანს, ჯიმ ო'ბრაიენს შეხვდა, რომელიც თბილისში მართავს ოფიციალურ შეხვედრებს.

  • "საქართველოს ევროატლანტიკური არჩევანის დასაცავად, ყველა ოფცია დევს მაგიდაზე და განიხილება", — ამბობს თინა ბოკუჩავა.
  • ასევე აღნიშნა, რომ ეს ჩანდა მათ შორის, კონგრესმენების და სენატორების წერილებშიც.

"ამ ოფციებში შედის პერსონალური სანქციების დაწესების ოფცია ბიძინა ივანიშვილისთვის, მისი გარემოცვის, კონკრეტული რუსული კანონის მხარდამჭერი დეპუტატებისთვის და ასევე, იმ მოძალადეების მიმართ, რომლებიც არბევენ, სცემენ და ემუქრებიან ახალგაზრდებს", — აცხადებს ის.

  • თინა ბოკუჩავას განცხადებით, "აშშ-ს მთავარი გზავნილია, რომ საქართველოს დიდი მეგობარი და სტრატეგიული პარტნიორი, აშშ, დგას ქართველი ხალხის ევროატლანტიკური არჩევანის გვერდით.

ამავე თემაზე: Freedom House "ოცნების" მაღალჩინოსნების სანქცირებას ემხრობა

დღესვე, 14 მაისს, საქართველოს პარლამენტში რუსული კანონის მესამე, საბოლოო განხილვის პარალელურად, საქართველოს პრემიერ-მინისტრი ირაკლი კობახიძე მთავრობის ადმინისტრაციაში შეხვდა ჯიმ ო'ბრაიენს — ევროპისა და ევრაზიის საკითხებში ამერიკის შეერთებული შტატების სახელმწიფო მდივნის თანაშემწეს.

  • შეხვედრა რამდენიმე საათს გაგრძელდა.
  • შეხვედრის შესახებ ოფიციალური ინფორმაცია გაავრცელა პრემიერ-მინისტრის აპარატმა.
  • დაგეგმილია ჯიმ ო'ბრაიენის კომენტარი მედიისთვის.