მოკლედ: საქართველოს სახალხო დამცველი ლევან იოსელიანი საქართველოს პარლამენტში, რუსული კანონის მესამე განხილვას ეხმაურება და აცხადებს, რომ თუ მიზანი "გამჭვირვალობა და ანგარიშვალდებულების გაზრდაა", რუსულ კანონში უნდა მოხდეს ცვლილება, ან მმართველმა პარტიამ უარი უნდა თქვას მასზე.

მსგავსი: "რუსული კანონის შელამაზებულ ვერსიას არ მივიღებთ, ის უპირობოდ უკან უნდა იქნეს გაწვეული" — ოპოზიციური პარტიების განცხადება

დეტალები: სახალხო დამცველის მიხედვით, პარლამენტის მიერ მიღებული ყველა კანონი უნდა შეესაბამებოდეს ევროპულ მისწრაფებებს, ზიანს არ აყენებდეს პარტნიორებთან ურთიერთობებს და ქვეყნის ევროინტეგრაციის პროცესს.

  • "როგორც კანონპროექტის სათაური, ასევე, მასში არსებული არაერთი ჩანაწერი პრობლემურია, რაც კანონის ადრესატებისთვის ღირსების შემლახველი შეიძლება გახდეს", — წერს სახალხო დამცველი.
  • მისივე თქმით, კანონი მოქალაქეებზე საკმაოდ დიდი მოცულობის პერსონალური მონაცემების შეგროვების და გასაჯაროების რისკის შემცველია, რაც, მისი შეფასებით, პირადი ცხოვრების ხელშეუხებლობის უფლების დარღვევის საფუძველს ქმნის.

კონტექსტი: დღეს, 2024 წლის 14 მაისს, საქართველოს პარლამენტმა რუსული კანონი მესამე, საბოლოო მოსმენით განხილვა დაიწყო.

  • სხდომაზე პერიოდულად სიტყვიერი დაპირისპირებაა და მოჰყვა ხელჩართული ჩხუბიც.

გაიგე მეტი: "დღეს ხელისუფლებაში არიან ხარება და რობოკოპები, რომლებიც იმისთვის ულეწავენ თავს ახალგაზრდებს, რომ თქვენ პარლამენტში შემოხვიდეთ" — ხაბეიშვილი უმრავლესობას