მოკლედ: ორშაბათს, 13 მაისს, 09:00 საათზე, საქართველოს პარლამენტის იურიდიულ საკითხთა კომიტეტი, რუსულ კანონს მესამე მოსმენით განიხილავს.

დეტალები: 12 მაისს, 22 საათზე, პარლამენტთან აქცია დაიგეგმა. აქციის ორგანიზატორების თქმით, აპირებენ საკანონმდებლო ორგანოსთან ღამითაც დარჩნენ.

  • "ქვეყნის სიყვარულში ჩვენი დაუღალავი ერთობით — გავათენოთ ღამე ერთად და დილით, არ მივცეთ საშუალება ოცნების დეპუტატებს, აუღელვებლად შევიდნენ პარლამენტის შენობაში და გააგრძელონ ხალხის ნების, ევროკავშირისა და კონსტიტუციის საწინააღმდეგო მოქმედება", — ნათქვამია განცხადებაში.

მსგავსი: "გავათენოთ საქართველოსთვის" — 12 მაისის ღამეს აქცია დაიგეგმა

აქცია იქნება 11 მაისსაც. მოქალაქეები, 19:00 საათზე, შეიკრიბებიან 3 ტერიტორიაზე: პირველი რესპუბლიკის მოედანი, მეტრო 300 არაგველი და მარჯანიშვილის მოედანი.

  • ევროპული მარშის მონაწილეები, სამივე ადგილიდან, ერთდროულად დაიძვრებიან ევროპის მოედნისკენ და იქ გაერთიანდებიან.

გაიგე მეტი: შაბათს, 11 მაისს, ევროპის მარში გაიმართება, მოქალაქეები ევროპის მოედნისკენ სამი ადგილიდან დაიძვრებიან — დეტალები

ბოლო ხაზი: 2024 წლის 17 აპრილს, 83 ხმით 0-ის წინააღმდეგ, ქართულმა ოცნებამ რუსული კანონი პირველი მოსმენით მიიღო, ხოლო 29 აპრილს, კანონი მეორე მოსმენითაც მიიღეს.

  • მას შემდეგ, რაც ამ კანონპროექტს პარლამენტი მესამე მოსმენითაც დაუჭერს მხარს, ხელმოსაწერად პრეზიდენტს გადაეგზავნება.
  • სალომე ზურაბიშვილმა თქვა, რომ კანონს ხელს არ მოაწერს და ვეტოს დაადებს.
  • თუმცა, ეს იქნება სიმბოლური აქტი, რადგან ქართულ ოცნებას აქვს რესურსი, ვეტო დაძლიოს.