რა ხდება: 12 მაისს, 22 საათზე, პარლამენტთან აქცია დაიგეგმა.

  • აქციის ორგანიზატორების თქმით, აპირებენ საკანონმდებლო ორგანოსთან ღამითაც დარჩნენ, რადგან 13 მაისს, დილას, მმართველი გუნდი რუსული კანონის საკომიტეტო მოსმენას გეგმავს, მესამე მოსმენით კენჭისყრის მოსამზადებლად.

დეტალები: ორგანიზატორები მოუწოდებენ მოქალაქეებს, თან იქონიონ საძილე ტომრები, მცირე ზომის კარვები, ფაუერბანკები, აირწინაღები, დამცავი სათვალეები.

  • "ქვეყნის სიყვარულში ჩვენი დაუღალავი ერთობით — გავათენოთ ღამე ერთად და დილით, არ მივცეთ საშუალება ოცნების დეპუტატებს, აუღელვებლად შევიდნენ პარლამენტის შენობაში და გააგრძელონ ხალხის ნების, ევროკავშირისა და კონსტიტუციის საწინააღმდეგო მოქმედება", — ნათქვამია განცხადებაში.

ბოლო ხაზი: აქცია იქნება 11 მაისსაც.

  • მოქალაქეები, 19:00 საათზე, შეიკრიბებიან 3 ტერიტორიაზე: პირველი რესპუბლიკის მოედანი, მეტრო 300 არაგველი და მარჯანიშვილის მოედანი.
  • ევროპული მარშის მონაწილეები, სამივე ადგილიდან, ერთდროულად დაიძვრებიან ევროპის მოედნისკენ და იქ გაერთიანდებიან.