ფაშიზმის წინააღმდეგ გამართული მსვლელობის მონაწილეებს, რომლებმაც აღმაშენებლის გამზირზე ჩაიარეს, ქსენოფობიური "ქართული მარშის" წარმომადგენლებმა სხვადასხვა საგანი დაუშინეს, მათ შორის, კვერცხები, ცოცხები, წყლის ბოთლები, ქვები. მსვლელობის ერთ მონაწილე ქალს უცხო საგანი მოხვდა, რის გამოც მას თავიდან სისხლი სდიოდა.

"ქართული მარშის" მონაწილეები ფაშიზმის წინააღმდეგ აქციის მონაწილეებს აგინებდნენ და მათ ფიზიკურ შეურაცხყოფას ცდილობდნენ, რისი საშუალებაც პოლიციამ არ მისცა.

აქცია "რუსული ფაშიზმის" წინააღმდეგ ევროპულმა საქართველომ დაგეგმა, თუმცა, მასში სხვა პარტიების წარმომადგენლებიც მონაწილეობდნენ.