მოკლედ: შსს-ს ინფორმაციით, პოლიციამ, ადმინისტრაციული წესით, 14 პირი დააკავა.

დეტალები: უწყება წერს, რომ რუსთაველის გამზირზე, "აქციის მონაწილეების ძალადობრივი ქმედებების შედეგად, დაშავდა შსს-ს ერთი თანამშრომელი, რომელსაც შესაბამისი დახმარება გაეწია.

  • "სამართალდამცველებმა არაერთხელ მოუწოდეს აქციის ორგანიზატორებსა და მონაწილეებს, დამორჩილებოდნენ შინაგან საქმეთა სამინისტროს წარმომადგენლების კანონიერ მოთხოვნას, არ გასცდენოდნენ შეკრების და გამოხატვის თავისუფლების კანონით დასაშვებ ფარგლებს
  • აქციის მონაწილეებმა არ გაითვალისწინეს მათი კანონიერი მოთხოვნა, დაარღვიეს საზოგადოებრივი წესრიგი, სამართალდამცველებს გაუწიეს წინააღმდეგობა და მიაყენეს სიტყვიერი შეურაცხყოფა", — წერს შსს.

ბოლო ხაზი: მშვიდობიანი აქცია პარლამენტთან 19 საათზე დაიწყო.

  • აქციის მონაწილეები პარლამენტთან კვლავ რჩებიან.
  • მორიგი აქცია ხვალ, 12 საათისთვის დაანონსდა — სწორედ ამ დროს არის ჩანიშნული პარლამენტის პლენარული სესია, რომელზეც, შესაძლოა, ოცნებამ რუსული კანონი პირველი მოსმენით მიიღოს.