რა ხდება: ქართული ოცნება ჰომოფობიური კანონის საყოველთაო განხილვისთვის ემზადება.

დეტალები: პარლამენტის ბიურომ 16 - 19 აპრილის პლენარული სხდომების დღის წესრიგში ცვლილებები შეიტანა.

  • დღის წესრიგის თანახმად, პლენარულ სხდომაზე ერთ-ერთი განსახილველი საკითხია პარლამენტის დადგენილების პროექტი საქართველოს კონსტიტუციაში ცვლილების შეტანის შესახებ და ოჯახურ ღირებულებათა და არასრულწლოვანთა დაცვის შესახებ საქართველოს კონსტიტუციური კანონების პროექტების გამოქვეყნებისა და მათი საყოველთაო-სახალხო განხილვის საორგანიზაციო კომისიის შექმნის თაობაზე.

ამის შემდეგ, კომისია, ჰომოფობიური კანონის განსახილველად, საქართველოს დიდ ქალაქებში საზოგადოების წარმომადგენლებთან შეხვედრებს გამართავს.

კონტექსტი: 29 თებერვალს მამუკა მდინარაძემ განაცხადა, რომ ქართულმა ოცნებამ მიიღო გადაწყვეტილება, მოამზადოს კანონპროექტი, რომელიც საზოგადოებას "ფსევდოლიბერალური იდეოლოგიისგან და მისი გარდაუვალი მავნე შედეგებისგან დაიცავს".

  • "არატრადიციული ცხოვრების წესის მიზანმიმართული პროპაგანდა არის ის, რასთან დაპირისპირებაც არის ჩვენი პასუხისმგებლობა ქართული საზოგადოების და მისი მომავლის წინაშე", — განაცხადა მდინარაძემ.
  • 1-ელ მარტს საქართველოს პრემიერ-მინისტრის ირაკლი კობახიძემ განაცხადა, რომ თუ "ლგბტ პროპაგანდის" ამკრძალავ კანონპროექტში მთავრობის ჩართულობა გახდება საჭირო, კანონპროექტის მომზადებაში ჩაერთვებიან.
  • 2 მარტს, ქართული ოცნების თავმჯდომარემ ირაკლი ღარიბაშვილმა თქვა, რომ საქართველოს მოსახლეობის 90% მიიჩნევს, რომ "აუცილებელია შვილების, შვილიშვილების, ახალგაზრდა თაობის დაცვა ამ მავნებელი ანტიეროვნული, ანტიადამიანური ლგბტ პროპაგანდისგან".

გაიგე მეტი: შიშის წარმოება — როგორ ინარჩუნებენ მთავრობები ძალაუფლებას კრემლის ორბიტის ქვეშ