მოკლედ: საქართველოს პროკურატურამ გუშინ, 5 მარტს დიდი ოდენობით ნარკოტიკული საშუალების ჯგუფურად გასაღების მცდელობის ფაქტზე, ბრალდება წარუდგინა პირს, რომელიც საჯარო მოხელის ოჯახის წევრია.

  • თამარ გუდავამ, რომელიც აჭარის განათლებისა და კულტურის სამინისტროს კულტურის დეპარტამენტის უფროსი იყო, განაცხადა, რომ "ყველანაირი უხერხულობის თავიდან ასაცილებლად" დაწერა განცხადება თამადობებიდან წასვლის შესახებ.
  • სამართალდამცველებმა ბრალდებული 2 მარტს დააკავეს.

დეტალები: შინაგან საქმეთა სამინისტროს გამოძიების ვერსიით:

  • 1-ელ მარტს, ორმა პირმა, შემდგომში გასაღების მიზნით, პოლიეთილენის პაკეტებში დაფასოებული დიდი ოდენობით ნარკოტიკული საშუალება მეთადონი (ფუძე) სამტრედიის მუნიციპალიტეტის ერთ-ერთ სოფელში მიიტანეს და მდინარის პირას ე.წ. "ლოკაციებზე" განათავსეს, შემდეგ ფოტოები გადაუღეს და ნარკოტიკული საშუალებების შემძენ პირებს გადაუგზავნეს.
  • გამოძიების მიერ ამ დროისთვის მოპოვებული ინფორმაციით, აღნიშნულის შემდგომ ორივე პირმა მოიხმარა ნარკოტიკული საშუალება, რის შემდგომაც ერთ-ერთი მათგანი, სავარაუდოდ, ნარკოტიკების ზედოზირებით გარდაიცვალა. მისი გარდაცვალების მიზეზის დასადგენად დაინიშნა შესაბამისი სამედიცინო ექსპერტიზა.
  • 3 მარტს, შსს-ს თანამშრომლებმა ე.წ."ლოკაციებიდან" ბრალდებულების მიერ 24 ცალად დაფასოებული და განთავსებული განსაკუთრებით დიდი ოდენობის — 3,35 გრამი ნარკოტიკული საშუალება ამოიღეს.

ბოლო ხაზი: დაკავებულს ბრალდება საქართველოს სისხლის სამართლის კოდექსის 19, 260-ე მუხლის მეხუთე ნაწილის "ბ" ქვეპუნქტით და მეშვიდე ნაწილის "ა" ქვეპუნქტით (განსაკუთრებით დიდი ოდენობით ნარკოტიკული საშუალების ჯგუფურად გასაღების მცდელობის ფაქტი) წარედგინა,

  • აღნიშნული მუხლი 14-დან 20-წლამდე ან უვადო თავისუფლების აღკვეთას ითვალისწინებს.