რა ხდება: დააჯარიმეს კაცი, რომელიც ტყის მიმდებარედ, მიზანმიმართულად ცდილობდა ხანძრის გაჩენას.

  • ინფორმაციას შსს ავრცელებს.

დეტალები: უწყების ინფორმაციით, საგანგებო სიტუაციების მართვის სამსახურის სახანძრო-სამაშველო ჯგუფის თანამშრომლებმა, დედოფლისწყაროს რაიონში, ტყის მიმდებარედ, ხანძრის კერა აღმოაჩინეს.

  • ტერიტორიის დათვალიერებისას შენიშნეს ახალგაზრდა კაცი, რომელიც მიზანმიმართულად აჩენდა ცეცხლს.
  • მაშველებმა პოლიცია გამოიძახეს. სამართალდამცველებმა კაცი ადმინისტრაციულ სამართალდარღვევათა კოდექსის შესაბამისი მუხლის თანახმად - 500 ლარით დააჯარიმეს.