ლაზარე გრიგორიადისის დასკვნითი სასამართლო პროცესი 28 მარტს ჩაინიშნა
![](http://joey.on.ge/2023/09/25/1687972876.jpg)
ფოტო: RFE / RL
0
წაკითხვა
0
კომენტარი
0
გაზიარება
მოკლედ: ლაზარე გრიგორიადისის დასკვნითი სასამართლო პროცესი, 28 მარტს, თბილისის საქალაქო სასამართლოში, 12:00 საათზე ჩაინიშნა.
- ამის შესახებ ინფორმაციას ლაზარეს დედა თამთა კალანდაძე ფეისბუქზე ავრცელებს..
- "ლაზარე 22 მარტს თავის ოქროს დაბადების დღეს იქ შეხვდება", — წერს თამთა კალანდაძე.
დეტალები: ლაზარე გრიგორიადისის დასკვნითი სასამართლო პროცესი 26 თებერვალს იყო ჩანიშნული, თუმცა, 22 თებერვალს, მოსამართლის ზვიად შარაძის შვებულებაში გასვლის მიზეზით, გადაიდო.
- 25 თებერვალს, კლუბში KHIDI, თავისუფლების ინსტიტუტის ორგანიზებით, ლაზარეს 12 მსაჯულის ჩვენება და მხარდამჭერი კონცერტი გაიმართა, სადაც ლაზარეს დედამ On.ge-ის უთხრა, რომ სასამართლოს აჭიანურებენ.
- "სავარაუდოდ, იმიტომ, რომ მორიდების შეგრძნება აქვთ — არაფერი უჭირავთ ხელში და რისთვის უნდა დააკავონ. არ ვიცი, ახლა ვმსჯელობთ იმაზე, რატომ შეიძლებოდა გადაედოთ. მაგრამ, რამდენი ხანი შეიძლება გადადონ?".
გაიგე მეტი: ლაზარეს 12 მსაჯული — იმიტირებული სასამართლო პროცესის ჩვენება კლუბში KHIDI
ბოლო ხაზი: რუსული კანონის საწინააღმდეგო აქციის მონაწილე, ლაზარე გრიგორიადისი პოლიციამ 2023 წლის 29 მარტს დააკავა, 31 მარტს კი სასამართლომ პატიმრობა შეუფარდა.
- 7-8 მარტის აქციები სამართალდამცველებმა რამდენჯერმე დაშალეს წყლის ჭავლის, წიწაკის სპრეისა და ცრემლსადენი გაზის გამოყენებით, მოგვიანებით კი დარბევაზე გადავიდნენ: სათითაოდ მისდევდნენ, სცემდნენ და აკავებდნენ პროტესტის მონაწილეებს.
- გამოძიების ვერსიით, გრიგორიადისმა პოლიციის თანამშრომლებს ქვები და ე.წ. მოლოტოვის კოქტეილები ესროლა, ასევე, ცეცხლი წაუკიდა შსს-ის კუთვნილ ავტომობილს.
-
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
-
-
გადახედვა
-
გადახედვა
-
-
-
გადახედვა
-
-
კომენტარები