მოკლედ: ლაზარე გრიგორიადისის დასკვნითი სასამართლო პროცესი, რომელიც 26 თებერვალს იყო ჩანიშნული, მოსამართლის შვებულებაში გასვლის მიზეზით გადაიდო.

  • ინფორმაცია On.ge-ს ლაზარე გრიგორიადისის ადვოკატმა ლიზა ბითაძემ დაუდასტურა.
  • "მეც ახლა გავიგე სასამართლო პროცესის გადადების შესახებ, მოსამართლე ზვიად შარაძე შვებულებაში გასულა, როდისთვის გადაიდო ჯერ არ ვიცი", — გვითხრა On.ge-ს ბითაძემ.

დეტალები: "რამდენიმე წუთის წინ დაგვირეკა ადვოკატმა, ლაზარეს სასამართლო პროცესი გადაიდო, მოსამართლე შვებულებაშია", — წერს ფეისბუქზე თამთა კალანდაძე, ლაზარეს დედა.

  • ლაზარე გრიგორიადისის დასკვნითი სასამართლო პროცესი 26 თებერვალს, 12:00 საათზე, თბილისის საქალაქო სასამართლოში იყო ჩანიშნული.

ბოლო ხაზი: რუსული კანონის საწინააღმდეგო აქციის მონაწილე, 21 წლის ლაზარე გრიგორიადისი პოლიციამ 29 მარტს დააკავა, 31 მარტს კი სასამართლომ აღკვეთის ღონისძიების სახით პატიმრობა შეუფარდა.

  • გამოძიების ვერსიით, გრიგორიადისმა პოლიციის თანამშრომლებს ქვები და ე.წ. მოლოტოვის კოქტეილები ესროლა, ასევე, ცეცხლი წაუკიდა შსს-ის კუთვნილ ავტომობილს.