სექსიზმში დადანაშაულებულ საევროვიზიო სიმღერას ესპანეთის პრემიერი გამოესარჩლა
2024 წლის ევროვიზიის სიმღერის კონკურსზე ესპანეთს დუეტი Nebulossa წარადგენს, სიმღერით Zorra (ესპ. სლენგზე "კახპა"). შიდაშესარჩევი კონკურსის ფინალში სიმღერამ ტელემაყურებელთა უმრავლესობის მხარდაჭერითა და ჯამში 156 ქულით გაიმარჯვა.
თუმცა, გამარჯვებიდან მალევე დუეტმა კრიტიკა დაიმსახურა — მადრიდის ფემინისტურმა მოძრაობამ განაცხადა, რომ სიმღერა "ქალებს სექსისტური ფორმით შეურაცხყოფს".
"გარეთ თუ მარტო გავდივარ, კახპა ვარ, თუ ვერთობი, კიდევ უფრო კახპა ვარ, როცა საწადელს ვაღწევ — კახპა, კახპა!", — ასე ითარგმნება სიმღერის ტექსტის ერთ-ერთი მონაკვეთი.
ფემინისტური მოძრაობის თქმით, "აბსურდულია იმის მტკიცება", რომ სიმღერის სათაურში ნახსენები სიტყვის გამუდმებით გამეორება "ქალებს აძლიერებს".
მათ არ ეთანხმება ქვეყნის პრემიერმინისტრი პედრო სანჩესი, რომელმაც სიმღერა დაიცვა და აღნიშნა, რომ კომპოზიცია სექსისტურ სტერეოტიპებს უპირისპირდება.
"მიმაჩნია, რომ ფემინიზმს სახალისო ფორმაც შეიძლება ჰქონდეს და ამგვარ პროვოკაციასაც სარჩულად კულტურა უნდა დაედოს", — აღნიშნავს სანჩესი და ამატებს, რომ კრიტიკა ულტრამემარჯვენე ჯგუფებისგან მოდის.
ამავე აზრზეა ესპანეთის თანასწორობის მინისტრი. მისი თქმით, Zorra "სახალისო სიმღერაა, რომელიც სტერეოტიპებს ამსხვრევს".
სიმღერა კი უკვე დიდი პოპულარობით სარგებლობს ევროვიზიის ფანებში. ესპანეთის მაუწყებლის იუთუბარხზე მის ვიდეოს 2,5 მილიონზე მეტი ნახვა აქვს. ვიდეოში ისმის, როგორ მღერის აუდიტორია შემსრულებელთან ერთად მთელ სიმღერას.
///
აღსანიშნავია ისიც, რომ ევროვიზიის წესები საკონკურსო სიმღერებში უცენზურო სიტყვების გამოყენებას კრძალავს, მაგრამ ფესტივალის ორგანიზატორების თქმით, Zorra, კონტექსტისა და სიმღერის სათქმელის გათვალისწინებით, ამ რეგულაციას არ არღვევს.
რაც შეეხება კომპოზიციის ავტორ-შემსრულებლებს, 2018 წელს შექმნილი Nebulossa მარია ბასისა და მარკ დასუსის დუეტია. ალიკანტეს პროვინციის ერთ-ერთ სოფელში მცხოვრები ბასი და დასუსი უკვე 20 წელია, დაქორწინებულები არიან და ორი შვილიც ჰყავთ.
"ჩვენი მიზანი 'ჰიმნის' შექმნა არ ყოფილა", — აღნიშნავს დუეტი, — "მაგრამ ხალხმა სიმღერა სწორედ ამგვარად მიიღო. ეს კი შემსრულებლისთვის ალბათ საუკეთესო საჩუქარია, ძალიან ცოტას თუ უმართლებს ასე".
ესპანეთის გარდა, ევროვიზია 2024-ზე კიდევ 36 ქვეყანა მიიღებს მონაწილეობას, მათ შორის, საქართველო. ჩვენს ქვეყანას ევროფესტივალზე ნუცა ბუზალაძე წარადგენს. ჯერჯერობით უცნობია, რა სიმღერას შეასრულებს იგი.
რიგით 68-ე ევროვიზიის სიმღერის კონკურსს შვედეთის ქალაქი მალმე უმასპინძლებს. წლევანდელი ევროფესტივალის ნახევარფინალური შოუები 7 და 9 მაისს, ფინალი კი 11 მაისს გაიმართება.
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
გადახედვამეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს მეცნიერებმა ძველ გრაგნილში პლატონის საფლავის მდებარეობაზე მინიშნებას მიაგნეს
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვარუსული კანონის მეორე საკომიტეტო მოსმენა 29 აპრილს დაინიშნა რუსული კანონის მეორე საკომიტეტო მოსმენა 29 აპრილს დაინიშნა
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
კომენტარები