მოკლედ: გარემოს ეროვნული სააგენტოს გეოლოგიის დეპარტამენტის ბიულეტენში წერია, რომ ბაღდათის მუნიციპალიტეტის სოფლებში, მეწყრული პროცესების გააქტიურება პროგნოზირებული იყო.

მათ შორის არის სოფელი ნერგეეთი, სადაც მეწყერს 4 ადამიანი ემსხვერპლა.

ფოტო: გარემოს ეროვნული სააგენტო

დეტალები: ბიულეტენი ასახავს 2022 წლის სტიქიური გეოლოგიური პროცესების შედეგებს და 2023 წლის პროგნოზებს. ბიულეტენში ნათქვამია, რომ

  • მეწყრული პროცესების გააქტიურება მოსალოდნელია სოფლებში: ობჩა, დიმი, წილეთხევი, ფერსათი, ნერგეეთი, შუბანი და ზეგანი.
  • ნერგეეთში მეწყერი მდინარე ხანისწყლის ნაპირზე მდებარე სახლების თავზე ჩამოწვა. დოკუმენტის მიხედვით, სწორედ ამ ადგილას იყო მოსალოდნელი ქვათაცვენის და ნაპირგარეცხვითი პროცესების წარმოქმნა-გააქტიურება.

მსგავსი: ძალიან დიდი მიწის მასა მოწყდა და მოიქცია 4 სახლი — იმერეთის გუბერნატორი მსხვერპლისა და დაკარგულების შესახებ

ბოლო ხაზი: 7 თებერვალს, ბაღდათის მუნიციპალიტეტის სოფელ ნერგეეთში მეწყერი ჩამოწვა და 4 საცხოვრებელი სახლი მოიყოლა.

  • მეწყრის შედეგად 4 ადამიანი დაიღუპა, 5 ადამიანს კი ამ დრომდე ეძებენ.
  • შსს-ს თანახმად, გადარჩენილია და უსაფრთხო ადგილზეა გადაყვანილი ერთი მოქალაქე.

მსგავსი: ფოტომასალა სტიქიის ადგილიდან: მაშველები ნერგეეთში მეწყრის შედეგად დაკარგულებსა და ცხედრებს ეძებენ