მოკლედ: შინაგან საქმეთა სამინისტროს ინფორმაციით, ბაღდათის მუნიციპალიტეტის სოფელ ნერგეთში მაშველებმა სამი ცხედარი იპოვეს.

  • შსს-მ On.ge-ს უთხრა, რომ ყველა მათგანი სრულწლოვანია.

დეტალები: უწყების თანახმად, გადარჩენილია და უსაფრთხო ადგილზეა გადაყვანილი ერთი მოქალაქე.

სამძებრო სამუშაოები გრძელდება კიდევ 6 პირის მიმართ, რომელთა შორის, On.ge-ს ინფორმაციით, სამი არასრულწლოვანია.

  • შსს აცხადებს, რომ იმერეთის რეგიონში ჩამოწოლილმა მეწყერის შედეგად, დიდი მიწის მასა მოწყდა და 4 საცხოვრებელი სახლი მოიყოლა.
  • სტიქიის ადგილებზე იმყოფება 200-ზე მეტი მეხანძრე-მაშველი.
  • "მობილიზებულია შესაბამისი ტექნიკა, დრონები, კინოლოგთა ჯგუფი და აქტიურ რეჟიმში მიმდინარეობს სამუშაოები", — იუწყება შსს.

ბოლო ხაზი: გუშინ, 6 თებერვალს აჭარაში, ზვავის ჩამოწოლის შედეგად ორი ადამიანი დაიღუპა. დასავლეთ საქართველოში ძლიერმა ქარმა და წყალდიდობამ დააზიანა ინფრასტრუქტურა, დაიტბორა 6 ოჯახი.