მოკლედ: ბაღდათის მუნიციპალიტეტის სოფელ ნერგეეთში მეწყრის შედეგად გარდაცვლილი კიდევ ერთი ადამიანი იპოვეს.

  • შსს-მ On.ge-ს უთხრა რომ გარდაცვლილი სრულწლოვანია.
  • ეს უკვე მეოთხე ცხედარია, რომელიც მაშველებმა სტიქიის შემდეგ იპოვეს.

რა მოხდა: ოფიციალური ინფორმაციით, 7 თებერვალს, ბაღდათის მუნიციპალიტეტის სოფელ ნერგეეთში მეწყერი ჩამოწვა და 4 საცხოვრებელი სახლი მოიყოლა.

  • შსს-ს თანახმად, გადარჩენილია და უსაფრთხო ადგილზეა გადაყვანილი ერთი მოქალაქე.
  • მაშველები ამ დრომდე ეძებენ 5 ადამიანს, რომელთა შორის, On.ge-ს ინფორმაციით, სამი არასრულწლოვანია.

მსგავსი: ძალიან დიდი მიწის მასა მოწყდა და მოიქცია 4 სახლი — იმერეთის გუბერნატორი მსხვერპლისა და დაკარგულების შესახებ

ბოლო ხაზი: სტიქიის ადგილებზე იმყოფება 200-ზე მეტი მეხანძრე-მაშველი.

  • "მობილიზებულია შესაბამისი ტექნიკა, დრონები, კინოლოგთა ჯგუფი და აქტიურ რეჟიმში მიმდინარეობს სამუშაოები", — იუწყება შსს.

მსგავსი: ფოტომასალა სტიქიის ადგილიდან: მაშველები ნერგეეთში მეწყრის შედეგად დაკარგულებსა და ცხედრებს ეძებენ