ახლახან ამერიკული The Voice-ის 24-ე სეზონი დასრულდა და გამარჯვებულიც დასახელდა. პროექტის გამარჯვებული Huntley გახდა, რომელიც ნაილ ჰორანის გუნდში იყო. გამარჯვებულმა ნაილ ჰორანთან ერთად ფინალში ცნობილი ჰიტი Knockin' On Heaven's Door შეასრულა.

Huntley 33 წლის ამერიკელი მომღერალია, რომელმაც The Voice-ში ყველა კონკურსანტის დამარცხება შეძლო. The Voice-ის ბრმა კასტინგზე მომღერალმა She Talks to Angels შეასრულა და ოთხივე მწვრთნელი შემოატრიალა. საბოლოო გადაწყვეტილების მისაღებად Huntley-მ სცენაზე თავისი 6 წლის შვილი, სტელა, აიყვანა, პატარამ კი მწვრთნელად ნაილი აირჩია.

შეგახსენებთ, რომ ქართველი მომღერალი ნინი ბრეგვაძე, რომლის სასცენო სახელიც Nini Iris-ია, ამერიკული The Voice-ის 5 ფინალისტს შორის ვერ მოხვდა. ფინალში გადასვლა მაყურებელთა ხმების რაოდენობაზე იყო დამოკიდებული.

ნახევარფინალში Nini Iris-მა ბილი აილიშის ცნობილი ჰიტი No Time To Die შეასრულა და ჟიურის მოწონებაც დაიმსახურა. მანამდე კი The Voice-ის არაერთ რაუნდში Nini Iris ჟიურის ფავორიტი მონაწილეც გახდა.