რა ხდება: ჯანდაცვის სამინისტროს ინფორმაციით, მედიკამენტები, რომლებზეც რეფერენტული ფასი ჯერ არ მოქმედებს, აფთიაქებში,იმპორტის ფასთან შედარებით, 32-ჯერ ძვირად, ზოგ შემთხვევაში —1000%, 2000% და 3000%-იანი ფასნამატით იყიდება.

  • ამის შესახებ სამინისტროს განცხადებაშია ნათქვამი.

დეტალები: უწყება აღნიშნავს, რომ მედიკამენტებს, დიდ ფარმაცევტულ ქსელებში, თითქმის,იდენტური ფასი აქვს.

  • "ჭარბი ფასნამატი და ფასების ერთმანეთთან თანხვედრა, აჩენს საფუძვლიან ეჭვს, რომ ადგილი აქვს ფარმაცევტულ კომპანიებს შორის არაკეთილსინდისიერ შეთანხმებას და დომინირებული მდგომარეობის არასათანადოდ გამოყენებას", — წერია განცხადებაში.
  • სამინისტრო მიიჩნევს, რომ მსხვილი ფარმაცევტული კომპანიების მიერ წარმოებული საფასო პოლიტიკა კარტელური გარიგების ნიშნებს შეიცავს, შესაბამისად, საკითხის შესწავლის მიზნით, მიმართავს კონკურენციის ეროვნულ სააგენტოს, რომელსაც
    ყველა საჭირო დოკუმენტს გადასცემს.
  • "საზოგადოების ინფორმირებისთვის განვმარტავთ, რომ აღნიშნულ მედიკამენტებზე, უახლოეს მომავალში, სახელმწიფო სამართლიან, რეფერენტულ ფასებს (ფასის ზედა ზღვარს) დააწესებს, რომელზე მაღალ ფასადაც მათი გაყიდვა აიკრძალება", — აღნიშნავს ჯანდაცვის სამინისტრო.

ბოლო ხაზი: მედიკამენტებზე რეფერენტული ფასები 15 თებერვლიდან ამოქმედდა. რეფერენტული ფასი არის მედიკამენტის გასაყიდი, ან საექსპორტო ფასის ზედა ზღვარი, რომელსაც სახელმწიფო ადგენს.