"იდექით მყარად, იბრძოლეთ ევროპული ფასეულობებისთვის, ჩვენ თქვენი გვჯერა", — ამის შესახებ ევროკომისარმა გაფართოების საკითხებში მარტა კოსიმ "ევროსკოპის" შეკითხვაზე საპასუხოდ განაცხადა — რა გზავნილი აქვს ქართულ ოცნებასთან და ქართველ ხალხთან?

"ქართულ ოცნებას" — ხელისუფლება უნდა დაუბრუნდეს ევროპულ გზას, წინააღმდეგ შემთხვევაში ჩვენ არ გვსურს და ვერ წავალთ წინ და ქართველ ხალხს — იდექით მყარად, იბრძოლეთ ევროპული ფასეულობებისთვის, ჩვენ თქვენი გვჯერა", — აცხადებს ევროკომისარი.

"ევროსკოპის" ინფორმაციით, ბრიუსელში, ევროკავშირის საგარეო და თავდაცვის მინისტრების შეხვედრა იმართება. მთავარი თემა უკრაინის დახმარებაა. საბჭოს სხდომას NATO-ს გენერალური მდივანი, მარკ რუტეც ესწრება.

NATO-ს გენერალურმა მდივანმა მდივანმა 19 მაისს პუტინისა და ტრამპის სატელეფონო საუბარზე გააკეთა კომენტარი. მან ტრამპის ინიციატივა რუსეთთან დისკუსიის გახსნის შესახებ პოზიტიურად შეაფასა.

"პოზიტიურია რომ ტრამპმა გახსნა პირდაპირი დისკუსია რუსეთთან, ძალიან მნიშვნელოვანია რომ აშშ ს აქვს კონსულტაციები უკრაინასთან და ევროპის ქვეყნებთან. კარგია რომ, აშშ აქვს ამ პროცესში ლიდერის პოზიცია. რომ პუტინთან საუბრის შემდეგ, ტრამპი უმალ დაეკონტაქტა ზელენსკი და ევროპელ ლიდერებს", — განაცხადა რუტემ.