აშშ-ის ჯანდაცვისა და ადამიანური სერვისების დეპარტამენტის განაცხადებით, დონალდ ტრამპის ადმინისტრაცია ჰარვარდის უნივერსიტეტს $60 მილიონი ფედერალური გრანტების დაფინანსებას უჩერებს — ამის შესახებ Reuters გვატყობინებს.

დეპარტამენტის განცხადებით, დაფინანსების შეწყვეტა "აივი ლიგას" ინსტიტუტის კამპუსში "ანტისემიტური შევიწროებასა და ეთნიკური დისკრიმინაციის" ვერ გამკლავებას უკავშირდება.

"რადგან ჰარვარდის უნივერსიტეტმა ანტისემიტური შევიწროებისა და რასობრივი დისკრიმინაციის შემთხვევებთან დაკავშირებით შესაბამისი რეაგირება ვერ მოახდინა, დეპარტამენტი რამდენიმე მრავალწლიანი გრანტის გაცემას წყვეტს," — განაცხადა ჯანდაცვის დეპარტამენტმა ორშაბათს X-ზე გამოქვეყნებულ პოსტში.

დონალდ ტრამპის ადმინისტრაციამ ბოლო კვირებში უნივერსიტეტს უკვე 3 მილიარდი დოლარის ფედერალური გრანტების დაფინანსება შეუწყვიტა, რის საპასუხოდაც ჰარვარდის უნივერსიტეტმა პრეზიდენტის წინააღმდეგ სასამართლოში სარჩელი შეიტანა.