ოცნების დეპუტატი ლადო ბოჟაძე ევროკომისარ მარტა კოსის განცხადებას გამოეხმაურა იმის შესახებ, რომ "ხელისუფლება უნდა დაუბრუნდეს ევროპულ გზას".

ის აცხადებს, რომ "ოცნების ხელისუფლება აგრძელებს "ევროპასთან თანამშრომლობას და საბოლოო გადაწყვეტილებას მიიღებენ სახელმწიფოს ლიდერები და არა კომისრები".

"ევროკავშირი არ არის მხოლოდ ბიუროკრატია ბრიუსელში და ქალბატონი მარტა არ იღებს გადაწყვეტილებებს. გადაწყვეტილებებს იღებენ სახელმწიფოს ლიდერები, მათ შორის პრეზიდენტები, პრემიერ მინისტრები, რომელსაც შეხვდა ირაკლი კობახიძე. ჩვენ ევროკავშირთან გვაქვს ცალკეული ურთიერთობები, ცალკეული სახელმწიფოს ლიდერებთან გვაქვს ურთიერთობები და აქედან გამომდინარე ჩვენ გაქვს ურთიერთობა ლიდერებთან, რომელიც საბოლოო გადაწყვეტილებებს იღებენ მარტა კოსის ნაირების კომისრები უნდა იყვნენ თუ არა. ამიტომ ჩვენ ვაგრძელებთ ევროპასთან თანამშრომლობას და საბოლოო გადაწყვეტილებას მიიღებენ სახელმწიფოს ლიდერები და არა კომისრები. ალბანეთში ვიზიტი იყო გადატვირთვის დასაწყისი და ქართული მედია სხვანაირად ფიქრობს. ჩვენ აღიარება არ გვჭირდება, ჩვენ აგვირჩია ხალხმა", — განაცხადა ლადო ბოჟაძემ (კომენტარს ტვ პირველი ავრცელებს).

ევროკომისარი გაფართოების საკითხებში მარტა კოსი "ევროსკოპის" შეკითხვას — რა გზავნილი აქვს ქართულ ოცნებასთან და ქართველ ხალხთან ასე პასუხობს:

"ქართულ ოცნებას, ხელისუფლება უნდა დაუბრუნდეს ევროპულ გზას, წინააღმდეგ შემთხვევაში ჩვენ არ გვსურს და ვერ წავალთ წინ და ქართველ ხალხს, იდექით მყარად, იბრძოლეთ ევროპული ფასეულობებისთვის, ჩვენ თქვენი გვჯერა", — აცხადებს აარტა კოსი.

მარტა კოსი: იდექით მყარად, იბრძოლეთ ევროპული ფასეულობებისთვის, ჩვენ თქვენი გვჯერა