პოლონეთს სამხრეთში, ქალაქ ოპოლეში მაღაზიაში ქურდობისთვის 2 ქართველი დააკავეს, რის შემდეგაც მათ ექსტრადიცია ემუქრებათ.

სილეზიის საზღვრის დაცვის განყოფილების ვებგვერდზე განთავსებული ინფორმაციის თანახმად, 17 მაისს, ოპოლეში, პირველი პოლიციის განყოფილების მეთაურმა შუამდგომლობით მიმართა ოპოლეში, სასაზღვრო დაცვის უფროსს, რათა გამოეცა განკარგულება, რომელიც ორ ქართველს სამშობლოში დაბრუნებას დაავალდებულებდა. აღმოჩნდა, რომ ორივე პოლიციამ ოპოლეს ერთ-ერთ მაღაზიაში ჩადენილი ქურდობისთვის დააკავა. მათ მიერ მოპარული ელექტრო ხელსაწყოები, სამკაულები და საკვები პროდუქტები 6800 ზლოტზე მეტი ღირებულებისაა.

ოფიცრებმა დაადგინეს, რომ ერთ-ერთ ქართველს, 48 წლის მამაკაცს, უკვე 2024 წელს ქვეყანა დაატოვებინეს და 7 წლით აუკრძალა ქვეყანაში ჩასვლა. მათ ვე ცნობით, ქართველი დაბრუნდა თავის ქვეყანაში, შეცვალა იქ პირადი მონაცემები და 2025 წლის მარტში ახალი პასპორტით დაბრუნდა პოლონეთში. მეორე უცხოელმა, 50 წლის პირმა, განაცხადა, რომ 2025 წლის მარტში პოლონეთის რესპუბლიკაში სამუშაო მიზნით ჩავიდა, მაგრამ არ წარმოადგინა დოკუმენტები, რომლებიც ადასტურებდა პოლონეთის რესპუბლიკის ტერიტორიაზე სამუშაოს კანონიერ შესრულებას.

დაკავებული ორივე ქართველი იძულებით დეპორტაციას დაექვემდებარებიან და შენგენის ზონაში 10 წლით აეკრძალებათ შესვლა.