BTS-ის ფანები სამხრეთკორეული ჯგუფის შესახებ დოკუმენტურ სერიალს მალე იხილავენ. სერიალი სახელად, BTS Monuments: Beyond the Star, იმ გზის შესახებ გვიამბობს, რომელიც ჯგუფმა მსოფლიო აღიარებამდე გაიარა. Disney+მა სერიალის პირველი ტრეილერი უკვე გამოუშვა.

როგორც სერიალის ტრეილერში ვხედავთ, BTS-ის ისტორიას ჯერ კიდევ იმ პერიოდიდან გავეცნობით, როცა ჯგუფი ახალშექმნილი იყო. ჯინი, Suga, J-Hope, RM, Jimin, V და Jungkook კი თავდაუზოგავად შრომობენ, რათა მსოფლიოს მასშტაბით სახელი გაითქვან. ტრეილერში BTS-ის არაერთ გამარჯვებასაც ვხედავთ და კიდევ ერთხელ ვრწმუნდებით, რომ დიდი მონდომების სანაცვლოდ, ჯგუფმა დასახულ მიზანს მიაღწია.

შეგახსენებთ, რომ BTS ბოლო წლებში ყველაზე წარმატებული K-Pop ჯგუფია მსოფლიოში. ჯგუფი, რომელმაც ათობით მილიონი ალბომი გაყიდა, ჟურნალმა Time-მა 2019 წელს მსოფლიოს 100 ყველაზე გავლენიან ადამიანს შორისაც დაასახელა. BTS-მა YouTube-ის და სხვა მუსიკალური პლატფორმების არაერთი რეკორდი მოხსნა. გარდა ამისა, BTS-მა სხვადასხვა მუსიკალურ კონკურსზე მნიშვნელოვანი ჯილდოებიც ბევრჯერ მოიპოვა.

როგორც BTS Monuments: Beyond the Star-ის აღწერაში ვკითხულობთ, დოკუმენტურ სერიალში 8 ეპიზოდი იქნება. მაყურებელი ყოველი კვირის ოთხშაბათს 2 ახალი ეპიზოდს იხილავს, BTS Monuments: Beyond the Star-ის პრემიერა კი 20 დეკემბერს შედგება.

ასევე იხილეთ:

თუ მუსიკა შენი ცხოვრების განუყოფელი ნაწილია და ამ თემაზე მეტის გაგება გინდა, შემოგვიერთდი ჯგუფში ერთი სიმღერაც და...